GJERMANI | FORCAT E ARMATOSURA (BUNDESWEHR) PO MARRIN DËRGESAT E PARA TË PUSHKËVE SULMUESE “G95”; SYNOHEN 250 MIJË COPË.

Berlin, Republika Federale e Gjermanisë | “Forcat e Armatosura Gjermane (Bundeswehr) po marrin modelet e para të pushkës sulmuese G95, të prodhuar nga kompania e mbrojtjes Heckler & Koch.

Dorëzimi i ‘G95’ është më shumë sesa thjesht një moment historik modernizimi. Është një shenjë e prekshme e progresit dhe gatishmërisë operacionale të Forcave tona të Armatosura”, tha Gjenerallejtënant Heiko Hubnër (Heico Huebner), Zëvendësinspektor i Bundesvehrit (Bundeswehr).

“G95” zëvendëson “G36”. Fillimisht, u nënshkrua një kontratë për afërsisht 120 mijë njësi.

Megjithatë, duke pasur parasysh situatën kërcënuese, porosia tani parashikon dorëzimin e të paktën 250 mijë njësive.

“Kjo rritje në prokurim merr parasysh rritjen e pritur të personelit të Forcave të Armatosura në vitet e ardhshme dhe na lejon të pajisim trupat në mënyrë gjithëpërfshirëse, efikase dhe të shpejtë, sipas nevojave të tyre”, tha një zëdhënës i Ministrisë së Mbrojtjes.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit