OKB-ja: MIANMARI ËSHTË BURIMI MË I MADH I OPIUMIT NË BOTË (PAS RËNIES SË VAZHDUESHME TË KULTIVIMIT TË LULEKUQES NË AFGANISTAN).

Jorku i Ri, Amerikë | “Kultivimi i lulekuqes ka arritur nivelin më të lartë në një dekadë në Mianmarin e shkatërruar nga lufta, duke u rritur me 17% brenda një viti.

Ai tani është burimi më i madh në botë i opiumit të paligjshëm, mes rënies së vazhdueshme të prodhimit në Afganistan”.

Kjo sipas Zyrës së Kombeve të Bashkuara për Drogën dhe Krimin (UNODC), e cila, zbuloi në një raport se kultivimi i lulekuqes është rritur në 53100 hektarë, nga 45200 hektarë në vitin 2024.

Të shtyrë nga konflikti (i cili pasoi marrjen e pushtetit nga ushtria në një grusht shteti në vitin 2021), nevoja për të mbijetuar dhe çmimet në rritje, fermerët tërhiqen nga kultivimi i lulekuqes.

Një faktor kyç që nxit këtë trend është çmimi i opiumit, i cili, është dyfishuar gjatë kësaj periudhe në një sfond të përkeqësimit të kushteve sociale dhe ekonomike.

Krahasuar me vitin 2019, çmimet e prodhimit janë rritur nga rreth 160 dollarë për kilogram në 365 dollarë për kilogram në vitin 2025.

Për më tepër, kërkesa globale për opioide nga Azia Juglindore po rritet në përgjigje të mungesës së furnizimeve me heroinë nga Afganistani, dhe ky trend pritet të vazhdojë, paralajmëron UNODC.

“Nëse nuk krijohen mjete jetese alternative të qëndrueshme, cikli i varfërisë dhe varësisë nga kultivimi i paligjshëm vetëm do të përkeqësohet”, tha agjencia e OKB-së.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit