MBRETËRIA E BASHKUAR | GJYKIMET PENALE ME JURI PËR KRIME QË PARASHIKOJNË DERI NË TRE (3) VJET BURG DO TË ANULOHEN; GJYKIMI DO TË KRYHET NGA NJË (1) GJYQTAR I VETËM (TRUPË GJYQËSORE MONOKRATIKE).

Londër, Mbretëria e Bashkuar | Mbretëria e Bashkuar zbuloi të martën planet e saj të reformës për të hequr gjyqet me juri për krimet që parashikojnë dënim penal të pritur prej më pak se tre vjetësh.

Masa synon të zvogëlojë një numër rekord të rasteve të prapambetura në sistemin e drejtësisë penale, i cili, vlerësohet të rritet në 100 mijë raste deri në vitin 2028.

Në njoftimin e tij, Zëvendëskryeministri dhe Sekretari i Shtetit për Drejtësinë, Deivid Lemi (David Lammy), theksoi probleme të shumta në sistemin aktual.

Ai deklaroi se viktimat po presin shumë gjatë për ta çuar çështjen e tyre në gjykatë, me disa që presin deri në tre ose katër vjet.

Ai i përshkroi reformat e guximshme si të nevojshme për të përballuar emergjencën në gjykata dhe për t’u dhënë drejtësi viktimave.

Sipas planit, krijimi i gjykatave të shpejta do ta adresojë këtë çështje, me një gjyqtar të vetëm që do të dëgjojë çdo çështje që mbart një dënim prej më pak se tre vjetësh.

Kjo parashikohet të zgjatë 20% më pak kohë sesa një gjykim me juri.

Masa të tjera përfshijnë zhvillimin e gjykimeve vetëm me gjyqtarë për çështje komplekse financiare dhe mashtrimi, fuqizimin e magjistratëve për të dhënë dënime prej 18 muajsh dhe lejimin e gjykatave për të përcaktuar se ku dëgjohen çështjet.

Qeveria vlerëson se këto masa do të ndikojnë në një të katërtën e çështjeve që përndryshe do të kishin shkuar para një jurie.

Komuniteti ligjor britanik i ka kritikuar masat.

Në veçanti, nënkryetari i Shoqërisë Ligjore, Bret Dikson (Brett Dixon), tha se propozimet e qeverisë shkojnë shumë larg në gërryerjen e të drejtës sonë themelore për t’u gjykuar nga një juri e përbërë nga kolegët tanë.

Unioni i Fjalës së Lirë, një organizatë për të drejtat e fjalës së lirë, shprehu në mënyrë të ngjashme shqetësimin se të dhënat tregojnë se normat e lirimit nga akuzat nga viti 2017 deri në vitin 2025 janë 10 për qind më të larta para jurive të gjykatës së kurorës krahasuar me gjykatat e magjistratëve (me një hendek më të madh për çështjet që lidhen me fjalën e lirë).

Masat e qeverisë bazohen në rekomandimet e një raporti të kohëve të fundit nga Sër Brain (Sir Brian) Leveson, ish-president i Divizionit të Gjyqtarëve të Mbretëreshës.

Në Pjesën 1 të shqyrtimit të tij, Sër Leveson pohoi se nuk ekziston asnjë e drejtë kushtetuese ose në fakt ndonjë formë e së drejtës së përgjithshme e së drejtës zakonore për gjykim nga gjyqtari dhe juria as nga Manja Karta (Magna Carta) dhe as nga Konventa Evropiane për të Drejtat e Njeriut (KEDNJ).

Megjithatë, kjo është çështje debati.

Pjesa e dytë e shqyrtimit mbetet për t'u publikuar.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit