REPUBLIKA POPULLORE E KINËS DHE AJO E FRANCËS MBËSHTESIN PËRPJEKJET PËR ARMËPUSHIM NË UKRAINË (ME DEKLARATË TË PËRBASHKËT) | ZGJIDHJE ME DY SHTETE PËR PALESTINËN.

Pekin, Kinë | “Lidhur me Ukrainën, Kina dhe Franca mbështesin përpjekjet për të arritur një armëpushim dhe për të rivendosur paqen bazuar në të drejtën ndërkombëtare, të vërtetën dhe parimet e Kartës së OKB-së”.

Deklarata e Përbashkët mbi Situatën në Ukrainë dhe Palestinë, e botuar pas bisedimeve të së enjtes në Pekin midis Presidentëve Shi Xhinping (Xi Jinping) dhe Emanuel Makron, thekson zgjidhjen me dy shtete midis Izraelit dhe Palestinës në Lindjen e Mesme.

Palët, anëtare të përhershme të Këshillit të Sigurimit të OKB-së, janë të përkushtuara për të kërkuar zgjidhje paqësore dhe konstruktive të bazuara në të drejtën ndërkombëtare kundër sfidave dhe kërcënimeve ndaj sigurisë dhe stabilitetit ndërkombëtar.

Deklarata, e transmetuar nga rrjeti shtetëror CCTV, përfshinte pikat kryesore të konvergjencës së arritur nga Kina dhe Franca mbi dy çështje të rëndësishme që lidhen me kërcënimet ndaj paqes dhe sigurisë ndërkombëtare.

Ndërsa paragrafi kushtuar Ukrainës është mjaft i shkurtër, ai mbi krizën e Lindjes së Mesme theksoi thirrjen drejtuar Izraelit dhe Hamasit që të përmbushin menjëherë angazhimet e tyre për armëpushimin, duke shmangur çdo veprim që mund të rrezikojë zbatimin e tij të plotë.

Në të njëjtën kohë, palët dënojnë fuqimisht aktet kundër të drejtës ndërkombëtare humanitare, duke përfshirë të gjitha aktet e terrorizmit dhe sulmet pa dallim kundër civilëve, dhe shprehën urgjencën që krerët e shteteve të ofrojnë ndihmë në shkallë të gjerë nën mbikëqyrjen e OKB-së, duke siguruar ndihmë të shpejtë, të sigurt, të qëndrueshme dhe të papenguar në të gjithë botën.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit