MBRETËRIA E BASHKUAR | MINISTRJA E BRENDSHME E QEVERISË SË MAJTË (LABURISTE) SHABANA MAHMUD (MAHMOOD) DO U FUTI DRUNË AZILKËRKUESVE DUKE NDËRMARRË MASA RADIKALE; 20 VJET PËR PAJISJE ME PASAPORTË.

Londër, Mbretëria e Bashkuar | Mbretëria e Bashkuar do të zvogëlojë në mënyrë drastike mbrojtjen e refugjatëve, ka konfirmuar qeveria laburiste, pas lajmeve të zbuluara nga enti mediatik “BBC” disa ditë më parë.

“Do t'i jap fund biletës së artë të Mbretërisë së Bashkuar për azilkërkuesit”, tha në një deklaratë Sekretarja e Brendshme Shabana Mahmud (Mahmood).

Ndër masat e njoftuara është një ulje e kohëzgjatjes së statusit të refugjatit nga pesë vjet në tridhjetë muaj, me rishikim periodik, ndërsa aplikimi për qëndrim të përhershëm do të kërkojë njëzet vjet në vend të pesë.

Paketa e plotë e masave do të detajohet në Parlament të hënën nga Ministrja Mahmud (Mahmood).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit