NIGERI | AT EMANUEL EZEMA U RRËMBYE NGA SUBJEKTE TË ARMATOSUR QË SULMUAN REKTORATIN E FAMULLISË SË SHËN PJETRIT.

Abuja, Nigeri | Një tjetër prift katolik është rrëmbyer në Nigeri.

Ati Emanuel Ezema u kap nga burra të armatosur që sulmuan rektoratin e Famullisë së Shën Pjetrit në Rumi më 2 dhjetor.

Dioqeza e Zarias e njoftoi këtë në një deklaratë të nënshkruar nga kancelari At Isek Agustini (Augustine), i cili, u kërkoi besimtarëve të luten për lirimin e shpejtë të priftit.

Zaria ndodhet në shtetin e Kadunës në veriperëndim të Nigerisë.

Agjencia e lajmeve “Fides” e raporton këtë lajm.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit