EGJIPT | 8 PËRDORUES TË TIKTOK-ut U ARRESTUAN ME AKUZËN E PËRDORIMIT TË GJUHËS SË PAHIJSHME DHE TË TURPSHME.

Kajro, Egjipt | Autoritetet egjiptiane kanë arrestuar të paktën tetë krijues përmbajtjeje në TikTok në më pak se një javë me akuza të paqarta, përfshirë sjellje të turpshme, në atë që mbrojtësit e të drejtave të njeriut e shohin si një goditje gjithëpërfshirëse që synon kryesisht gratë në internet.

Sipas Ministrisë së Brendshme, videot e krijuesve përmbajnë gjuhë të turpshme, shkelin moralin publik dhe përbëjnë keqpërdorim të mediave sociale.

Iniciativa Egjiptiane për të Drejtat Personale (EIPR) akuzoi autoritetet se po përpiqen të kontrollojnë debatin publik, duke i nxitur ato të ndalojnë ndjekjen penale të krijuesve të përmbajtjes online mbi akuza të paqarta bazuar në etikë dhe klasë shoqërore, siç është shkelja e vlerave familjare egjiptiane.

“Vala e arrestimeve pasoi një fushatë shpifjesh online dhe një ankesë të paraqitur nga 32 avokatë të cilët pretenduan se videot paraqisnin rrezik për të rinjtë, pa shpjeguar se si.

Goditja që pasoi është më e madhja që nga viti 2020”, tha znj. Lobna Daruish (Darwish), subjekt i të drejtave të njeriut.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit