BERLINI OFRON 500 MILIONË $ PËR ARMË AMERIKANE PËR UKRAINËN NË KUADËR TË INICIATIVËS SË RE TË NATO-s TË QUAJTUR “LISTA E KËRKESAVE TË PËRPARËSUARA PËR UKRAINËN”.

Berlin, Republika Federale e Gjermanisë | Gjermania njoftoi sot se do të financojë një paketë prej 500 milionë dollarësh me pajisje ushtarake dhe municione për Ukrainën nga Shtetet e Bashkuara, në kuadër të iniciativës së re të NATO-s të quajtur “Lista e Kërkesave të Përparësuara për Ukrainën”.

Sekretari i Përgjithshëm Mark Rutte e përshëndeti njoftimin si një demonstrim të fortë të angazhimit të vazhdueshëm të Gjermanisë ndaj mbrojtjes së Ukrainës.

“E përgëzoj Gjermaninë që edhe një herë po merr përsipër detyrën.

Ky furnizim do ta ndihmojë Ukrainën të mbrohet nga agresioni rus”, tha Sekretari i Përgjithshëm.

“Gjermania është kontribuesi më i madh i ndihmës ushtarake në Evropë për Ukrainën dhe njoftimi i sotëm nënvizon më tej angazhimin e saj për të ndihmuar popullin ukrainas të mbrojë lirinë dhe sovranitetin e tij”, shtoi ai.

Kontributi i Gjermanisë në kuadër të iniciativës në fjalë vjen pas njoftimeve të mëparshme nga Holanda dhe angazhimit të përbashkët të Danimarkës, Norvegjisë dhe Suedisë.

Çdo paketë vlerësohet në afërsisht 500 milionë dollarë dhe synon të përmbushë nevojat më urgjente operacionale të Ukrainës me pajisje dhe municione nga rezervat amerikane.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit