PAPA LEO XIV-të: MESAZHI I PAQES I SHËN FRANÇESKUT MUND TË GJEJË JEHONË TË THELLË; ME RASTIN E FESTIMEVE PËR 800-VJETORIN E SHENJTORIT.

Vatikan | Shpresën që mesazhi i paqes i Shën Françeskut mund të gjejë një jehonë të thellë në Kishë dhe në shoqëri e shprehu Papa Leo XIV-të në një letër të dërguar me rastin e kremtimit solemn që shënon hapjen e tetëqindvjetorit të Kalimit të Shën Françeskut, të mbajtur në Bazilikën e Shën Marisë së Engjëjve (Santa Maria degli Angeli), në Asizi.

Gjatë ceremonisë fetare, u lexua i plotë mesazhi i Atit të Shenjtë drejtuar ministrave të përgjithshëm të Konferencës së Familjes Françeskane.

“Vdekja e motrës sonë - thirri Shën Françesku më 3 tetor 1226, në Porciunkola (Porziuncola) - shkroi Papa Leo XIV-të ndërsa i afrohej asaj si një njeri që më në fund ka gjetur paqe”.

“Tetë shekuj kanë kaluar që nga vdekja e të Varfërit të Asizit, i cili, shkroi fjalën e shpëtimit të Krishtit me shkronja të ngulitura në zemrat e njerëzve të kohës së tij.

Duke përkujtuar përvjetorin e rëndësishëm të tetëqindvjetorit të vdekjes së tij, dëshiroj të bashkohem shpirtërisht me të gjithë Familjen Françeskane dhe me të gjithë ata që do të marrin pjesë në ngjarjet përkujtimore, duke shpresuar që mesazhi i paqes të gjejë një jehonë të thellë në Kishë dhe në shoqërinë e sotme.

Në këtë epokë, të shënuar nga kaq shumë luftëra në dukje të pafundme, nga përçarje të brendshme dhe shoqërore që krijojnë mosbesim dhe frikë, vazhdon të flasë. Jo sepse ofron zgjidhje teknike, por sepse jeta e tij tregon burimin autentik të paqes”, tha Papa Leo XIV-të.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit