GJASHTËDHJETË E KATËR VJET MË PARË FILLOI NDËRTIMI I MURIT TË BERLINIT | U NGRIT PËR TË PARANDALUAR EKSODIN MASIV TË QYTETARËVE DREJT PERËNDIMIT KU KISHTE LIRI DHE TË DREJTA.

Berlin, Republika Federale e Gjermanisë | Gjashtëdhjetë e katër vjet më parë, më 13 gusht 1961, filloi ndërtimi i Murit të Berlinit.

Gjermano-lindorët nuk do të ishin më në gjendje të largoheshin nga Republika Demokratike Gjermane (RDGj).

Muri ishte, në fakt, një mënyrë për të parandaluar eksodin masiv drejt Perëndimit.

Kjo ndodhi pavarësisht faktit se pak më parë, z. Valter Ulbrikht (Walter Ulbricht), udhëheqësi i SED-it (Partia Socialiste e Gjermanisë, partia e vetme e RDGj-së), kishte siguruar se askush nuk ka ndërmend të ndërtojë një mur.

Muri nuk u shemb deri në fund të vitit 1989. Disa muaj më vonë, ra edhe regjimi i SED-së.

Bashkimi gjerman ndodhi më 3 tetor 1990.

Në vitin 1961, z. Vili (Willy) Brandt, atëherë Kryetar Bashkie i Berlinit Perëndimor (i cili më vonë do të bëhej Kancelar Federal në vitin 1969), komentoi ashpër vendimin për ndërtimin e Murit.

“E vërteta është se në 48 orët e fundit, regjimi komunist ka pranuar se është vetë përgjegjës për ikjen e gjermanëve në Gjermani”, tha ai.

“Një klikë që e quan veten qeveri nuk duhet të përpiqet të burgosë popullin e vet.

Shtyllat e betonit, telat me gjemba, shiritat e vdekjes, kullat e vrojtimit dhe mitralozat; këto janë shenjat dalluese të një kampi përqendrimi.

Një nga detyrat qendrore të shkollave është t'u ofrojë të rinjve një kuptim historik të kësaj pike kthese të thellë në historinë gjermane”, tha në një deklaratë znj. Anna Kaminski, drejtoreshë e Fondacionit Federal për Përpunimin Historik të Diktaturës.

Fondacioni bën thirrje për një studim të plotë të historisë së RDGj-së dhe, në përgjithësi, për promovimin në shkolla të të gjitha nismave që synojnë ankorimin e historisë së regjimit komunist në zonën e pushtimit sovjetik në RDGj-së dhe pasojat e tij.

Një sërë ngjarjesh janë planifikuar për përkujtimet e sotme në kryeqytet dhe në lande të tjera gjermane.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit