U NËNSHKRUA MARRËVESHJA PËR HEQJEN E VIZAVE ME AZERBAJXHANIN.

Tiranë, Shqipëri | U nënshkurua marrëveshja ndërshtetërore për heqjen e vizave për qytetarët shqiptarë që udhëtojnë drejt Azerbajxhanit, duke hapur mundësi të reja për turizëm, zhvillim ekonomik, dhe bashkëpunim mes dy vendeve.

Për Palën shqiptare marrëveshja u nënshkrua nga z. Besart Kadia, zv/ministër për Europën dhe Punët e Jashtme.

Ndërsa, për Palën azere, u nënshkrua nga z. Fariz Rzayev, zv/ministër i Punëve të Jashtme i Republikës së Azerbajxhanit.

Marrëveshja u nënshkrua ndërkohë që Kryetari i Këshillit të Ministrave të RSh Edi Rama ndodhet në Azerbajxhan.

Ai kryeson një delegacion të nivelit të lartë, i cili, do të zhvillojë një sërë takimesh zyrtare.

Kryeministri Rama merr pjesë si i ftuar nderi i Presidentit Ilham Alijev, për të trajtuar Samitin e 10-të të Korridorit Jugor të Gazit, si edhe për të diskutuar bashkërisht për ecurinë e projekteve shqiptaro-azere në fushën e energjisë, ku tanimë është gati studimi i gazifikimit të zonës së Korçës, si hap i parë i programit të shtrirjes së gazit për konsum të përgjithshëm në Shqipëri, ashtu siç është drejt përfundimit studimi i tubit lidhës të TAP-it me TEC-in e Vlorës, ndërkohë që ka nisur investimi për vënien në punë e zgjerimin e kapaciteteve të këtij të fundit.

https://impressexaltsculptor.com/xwr71bic?key=5bef601c2af9f91065c072edad23fc2c

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit