DREJTORI I PËRGJITHSHËM I POLICISË SË SHTETIT TË RSh-së ILIR PRODA PO MERR PJESË NË PROCESIN E VOTIMIT PËR ZGJEDHJEN E PRESIDENTIT TË RI TË ORGANIZATËS NDËRKOMBËTARE TË POLICISË KRIMINALE (INTERPOL).

Rabat, Mbretëria e Marokut | Drejtori i Përgjithshëm i Policisë së Shtetit, të Republikës së Shqipërisë, Ilir Proda, po merr pjesë në procesin e votimit për zgjedhjen e Presidentit të ri të Organizatës Ndërkombëtare të Policisë Kriminale (INTERPOL), Zv/Presidentit dhe delegatëve për Komitetin Ekzekutiv.

Njoftim | Marrakesh, Marok.

Sesioni i 93-të i Asamblesë së Përgjithshme të INTERPOL-it.

Drejtori i Përgjithshëm i Policisë së Shtetit, Drejtues Madhor Ilir Proda, merr pjesë në Asamblenë e 93-të të INTERPOL-it, që po zhvillohet në Marok, me pjesëmarrjen e drejtuesve të policive të 196 vendeve të botës.

Drejtuesi i Policisë së Shtetit, Ilir Proda, dhe delegacioni që e shoqëron, Drejtues i Lartë Pëllumb Seferi dhe Drejtues Ulian Shpataraku, po marrin pjesë gjatë ditës së sotme, në procesin e votimit për zgjedhjen e presidentit të ri të INTERPOL-it, zëvendëspresidentit dhe delegatëve për Komitetin Ekzekutiv.

Asambleja e Përgjithshme e INTERPOL-it mblidhet një herë në vit dhe merr të gjitha vendimet kryesore që ndikojnë në politikën e përgjithshme, burimet e nevojshme për bashkëpunimin ndërkombëtar, metodat e punës dhe financat, thuhet në njoftimin e Policisë së Shtetit.

Pamje fotografike nga vendi ku po mbahen punimet e INTERPOL-it.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit