QEVERIA E PROVINCES FRËNGJISHTFOLËSE TË KEBEKUT HOQI KURORËN MBRETËRORE BRITANIKE NGA STEMA E SHTETIT | VENDIMI I PROVINCËS RIAFIRMON AUTONOMINË E KOMBIT.

Kebek | Qeveria e Kebekut ka njoftuar heqjen e kurorës britanike nga stema zyrtare e provincës.

Ministri i Drejtësisë Simon Jolin-Barrette dhe Ministri francez Jean-François Roberge thanë se vendimi i provincës riafirmon autonominë e kombit të Kebekut.

Stema përbëhet nga një kurorë e vendosur mbi një mburojë me tre lule të arta, një luan të artë - që gjithashtu përfaqëson Kurorën Britanike - dhe tre gjethe panje të gjelbra.

Sipas entit mediatik vendor “Canadian Press”, luani nuk do të hiqet.

Në vitin 1868, Mbretëresha Viktoria i dha Kebekut stemën zyrtare të armëve, por qeveria e Kebekut thotë se kurora në stilin Tudor u shtua në vitin 1939 së bashku me moton provincial: “Je me souviens - Mbaj mend”.

Qeveria thotë se stema do të modifikohet në disa letra zyrtare dhe, më vonë, në medaljet e dhëna nga guvernatori.

Për arsye të ruajtjes së trashëgimisë, qeveria thotë se emblemat në ndërtesat ose orenditë shtetërore nuk do të ndryshohen.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit