___.png)
“PËR HEQJEN E MJETEVE MOTORIKE; TË RIMORKIOVE; TË PJESËVE TË TYRE TË KËMBIMIT TË DALA JASHTË PËRDORIMIT QË NDODHEN PRANË RRUGËVE KOMBËTARE”.
- Agjencia Telegrafike Vox
- Feb 16, 2024
- 1 min read
Tiranë, Shqipëri | Ministri i Brendshëm, i Republikës së Shqipërisë Taulant Balla vendosi të ngarkojë me detyrë institucionet në varësinë e ministrisë së Brendshme, që të investojnë institucionalisht një akt normativ të para 13 viteve.
Akti normativ lidhet me mbrojtjen e territorit.
Në vitin 2011, në kushtet kur thuajse në krah të akseve rrugore kombëtare kishin mbirë varreza makinash, qeveria “Berisha” hartoi një akt normativ, për heqjen e mjeteve motorike, dhe shumë sendeve të tjera.
Ndonëse aktet normative nxirren me qëllim veprimi të menjëhershëm, dhe në kushte të jashtëzakonshme, efektet e atij akti normativ ishin pak më shumë se “zero”, për shkak të mos zbatimit të tij nga ana e institucioneve, që kishin detyrim zbatimin e tij.
Nisur nga fakti se Shqipëria këtë vit pritet të ketë një fluks të madh turistik, ministri i Brendshëm Balla, ka vendosur ta investojë atë akt normativ, i cili, titullohet “Për heqjen e mjeteve motorike, të rimorkiove, si dhe të pjesëve të tyre të këmbimit, të dala jashtë përdorimit, që ndodhen pranë rrugëve kombëtare.”
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
Comments