PRESIDENTI VOLODIMIR ZELENSKI: SITUATË E VËSHTIRË POR NE PO QËNDROJMË NË KURSK; MOSKA VAZHDON TË INJOROJË PROPOZIMIN E ARMËPUSHIMIT TË SHBA-së.

Kiev, Ukrainë | “Kryekomandanti Oleksandr Sirski (Syrskyi) dha një përditësim mbi situatën në vijën e frontit. Në shumë drejtime situata mbetet e vështirë”, shkroi presidenti i Ukrainës Volodimir Zelenski në rrjetin social virtual Iks (X).

“Vetëm deri në mesditë, tashmë kanë ndodhur afro 70 sulme ruse. Përleshjet janë të përqendruara në drejtimet e Pokrovsk-ut, Kramatorsk-ut, Limanit (Lyman) dhe Kursk-ut.

Forcat tona vazhdojnë operacionet mbrojtëse në zona specifike të rajoneve Kursk dhe Belgorod”, siguroi ai, pasi Moska dje njoftoi rimarrjen e plotë të Kurskut.

Presidenti Zelenski bëri thirrje për presion të ri mbi Rusinë për të pranuar armëpushimin e propozuar nga ShBA-ës.

Sipas presidentit Zelenski situata në vijën e frontit dhe veprimet e ushtrisë ruse tregojnë se presioni aktual global mbi Rusinë nuk është i mjaftueshëm për t'i dhënë fund kësaj lufte.

“Së shpejti, do të bëhen pesëdhjetë ditë që kur Rusia filloi të injorojë propozimin e Shteteve të Bashkuara për një armëpushim të plotë dhe të pakushtëzuar, një propozim që Ukraina e pranoi më 11 mars.

Për këtë arsye, duhet presion më i prekshëm ndaj Rusisë për të krijuar më shumë mundësi për diplomaci të vërtetë”, paralajmëroi ai, duke falënderuar të gjithë ata që qëndrojnë me Ukrainën.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit