GAZETA “NEW YORK TIMES”: TË PAKTËN 4 IRANIANO-AMERIKANË TË ARRESTUAR NË IRAN; 2 BURRA DHE 2 GRA.

Uashington, Amerikë | “Të paktën katër iraniano-amerikanë - dy burra dhe dy gra - janë në paraburgim iranian”, raporton gazeta “New York Times”, duke cituar grupe të të drejtave të njeriut, avokatë dhe Hostage Aid Worldwide, një organizatë jofitimprurëse e themeluar nga ish-pengje për të ndihmuar familjet e tyre dhe e cila është në kontakt me miqtë dhe familjet e të paraburgosurve aktualë.

Tre nga amerikanët thuhet se janë në burg dhe njërit i është ndaluar të largohet nga vendi.

Arrestimet ka të ngjarë të përkeqësojnë klimën politike tashmë të tensionuar midis Teheranit dhe Uashingtonit, pasi Shtetet e Bashkuara iu bashkuan sulmit të Izraelit ndaj Iranit, duke bombarduar dhe dëmtuar rëndë tre nga centralet e tij bërthamore në qershor.

Katër iraniano-amerikanët e ndaluar jetonin të gjithë në Shtetet e Bashkuara dhe kishin udhëtuar për në Iran për të vizituar familjen, sipas grupeve të të drejtave të njeriut.

Familjet e tre prej amerikanëve kanë kërkuar që emrat e tyre të mos publikohen nga frika se kjo do ta përkeqësonte situatën e tyre.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit