TUNIZI | POLICIA ARRESTOI OPOZITAREN E SHQUAR ÇAIMA ISA (CHAIMA ISSA); U DËNUA ME 20 VJET BURG E AKUZAR SE ISHTE E PËRFSHIRË NË KOMPLOT PËR TË RRËZUAR PRESIDENTIN KAIS SAIED.

Politikania opozitare Çaima Isa (Chaima Issa) duke marrë pjesë në një protestë kundër Presidentit tunizian Kais Saied përpara se të ndalohej nga policia për të zbatuar një dënim me 20 vjet burg, në Tunis, Tunizi, më 29 nëntor 2025.

Tunis, Tunizi | Policia tuniziane arrestoi subjektin e shquar të opozitës politike Çaima Isa (Chaima Issa).

Ndaj saj ishte shqiptuar një dënim penal me 20 vjet burg.

Edhe udhëheqës të tjerë të opozitës morën dënime penale.

Ata u akuzuan për komplot për të rrëzuar presidentin.

Një gjykatë apeli dha dënime me burg deri në 45 vjet për udhëheqësit e opozitës, udhëheqësit e biznesit dhe avokatët të premten me akuza për komplot për të rrëzuar Presidentin Kais Saied, në atë që kritikët e quajtën një shenjë e një sundimi gjithnjë e më autoritar.

Gjatë protestës, pak para arrestimit të saj, ajo dhe dy nga politikanët e tjerë të dënuar i bënë thirrje opozitës së përçarë të bashkohej dhe të përshkallëzonte demonstratat kundër Presidentit Saied.

“Do të më arrestojnë së shpejti”, tha znj. Isa (Issa) për agjencinë kanadeze të lajmeve Rojtërs (Reuters).

“U them tunizianëve, vazhdoni të protestoni dhe refuzoni tiraninë. Ne po sakrifikojmë lirinë tonë për ju”, tha ajo.

Ajo i përshkroi akuzat si të padrejta dhe të motivuara politikisht.

Policia pritet gjithashtu të arrestojë z. Najib Çebi (Chebbi), kreun e Frontit të Shpëtimit Kombëtar të opozitës, koalicioni kryesor që sfidon Presidentin Saied.

“Ne nuk do ta fitojmë lirinë përveçse me unitet”, tha z. Çebi (Chebbi) për agjencinë kanadeze të lajmeve Rojtërs (Reuters) në tubim, i cili, u dënua me 12 vjet burg.

“Jemi gati për burg, nuk kemi frikë”, tha figura e opozitës Aiaçi (Ayachi) Hammami, e cila, mori një dënim me pesë vjet burg.

“Shpresoj që të rinjtë do të zgjerojnë protestat derisa autoritetet ta rishqyrtojnë vendimin, përndryshe do të rrëzohen nga vullneti i popullit”, tha ai.

Presidenti Saied thotë se po lufton tradhtarët, figurat e korruptuara dhe mercenarët.

Ai akuzon grupet e shoqërisë civile se marrin fonde të huaja me qëllim ndërhyrjen në punët e brendshme të Tunizisë.

Dyzet persona u akuzuan në këtë rast, një nga ndjekjet penale më të mëdha politike në historinë e kohëve të fundit të Tunizisë.

Njëzet prej të akuzuarve kanë ikur jashtë vendit dhe janë dënuar penalisht në mungesë.

“Dënimet varionin nga pesë deri në 45 vjet”, sipas një dokumenti gjyqësor të parë nga agjencia kanadeze e lajmeve Rojtërs (Reuters).

Grupet e të drejtave të njeriut thanë se vendimi ishte një përshkallëzim i masave të Presidentit Saied ndaj disidentëve që kur ai mori pushtete të jashtëzakonshme në vitin 2021.

Organizatat jo-qeveritare Human Rights Watch dhe Amnesty International kërkuan anulimin e menjëhershëm të dënimeve penale.

Kritikët, gazetarët dhe aktivistët janë burgosur dhe OJQ-të e pavarura janë pezulluar.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit