STUDIUESIT E NJË UNIVERSITETI RUS ZBULUAN MBETJET E NJË KËLYSHI MAMUTHI ME PESHË 180 KG | ËSHTË NJË EKZEMPLAR FEMËR QË DATON 50 MIJË VJET MË PARË.

Moskë, Federata Ruse | Studiuesit nga Universiteti Federal Verilindor në rajonin Jakutria (Yakutia) të Rusisë treguan sot mbetjet e një foshnje mamuthi, në gjendje të shkëlqyer, të gjetur verën e kaluar.

Është një ekzemplar femër, që daton 50 mijë vjet më parë.

Studiuesit shpjeguan se tani do të kryhen studime për të përcaktuar moshën e saktë të mamuthit në kohën e ngordhjes, e vlerësuar në një vit apo më shumë.

“Ne të gjithë ishim të befasuar nga ruajtja e jashtëzakonshme e mamuthit”, tha rektori i universitetit, Anatoli Nikolajev (Anatoly Nikolajev).

Mbetjet peshojnë 180 kilogramë, janë 120 centimetra të larta dhe 200 centimetra të gjata.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit