KORE E JUGUT | PROKURORIA E POSAÇME KËRKOI DËNIM ME VDEKJE PËR ISH-PRESIDENTIN JUN SUK JEOL (YOON SUK YEOL).

Seul, Kore e Jugut | Prokurori i Posaçëm i Koresë së Jugut ka kërkuar zyrtarisht dënimin me vdekje për ish-Presidentin Jun Suk Jeol (Yoon Suk Yeol) gjatë argumenteve përmbyllëse në gjyqin e tij penal.

Ai akuzohet për udhëheqjen e një kryengritjeje (ose rebelimi) në lidhje me shpalljen e tij afatshkurtër të gjendjes ushtarake më 3 dhjetor 2024.

Presidenti i ri i krahut të majtë të Koresë së Jugut, Li Ja Miung (Lee Jae Myung), e ka akuzuar ish-Presidentin Jun (Yoon) se është përpjekur ta fusë Korenë e Jugut në një rrugë përplasjeje me Kinën ndërsa ishte në detyrë.

Ish-Presidenti Jun (Yoon) dhe mbështetësit e tij e akuzojnë Presidentin Miung (Myung) se është përpjekur ta nënshtrojë Korenë e Jugut ndaj partisë komuniste kineze për arsye ideologjike.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit