RAPORTI I UNICEF-it (FONDI I KOMBEVE TË BASHKUARA PËR FËMIJË) DENONCON SE 417 MILIONË FËMIJË NË MBARË BOTËN JETOJNË NË VARFËRI MATERIALE.

Jorku i Ri, Amerikë | Sipas raportit të fundit të UNICEF-it, 417 milionë fëmijë në mbarë botën, më shumë se një e pesta e fëmijëve në vendet me të ardhura të ulëta dhe të mesme, jetojnë në varfëri të karakterizuar nga mungesa e të paktën dy mallrave thelbësore, siç janë ushqimi ose higjiena e përshtatshme.

Studimi, i botuar në Ditën Botërore të Fëmijëve, është pjesë e raportit “Gjendja e Fëmijëve në Botë 2025; Fundi i Varfërisë së Fëmijëve - Imperativi ynë i Përbashkët”.

Hulumtimi bazohet në të dhëna nga më shumë se 130 vende me të ardhura të ulëta dhe të mesme dhe mat varfërinë shumëdimensionale në gjashtë fusha; arsim, shëndetësi, strehim, ushqyerje, higjienë dhe qasje në ujë.

Ndër gjetjet janë 118 milionë fëmijë që përballen me tre ose më shumë privime, dhe 17 milionë të tjerë që përjetojnë të paktën katër.

Shkallët më të larta të varfërisë shumëdimensionale gjenden në Afrikën Subsahariane dhe Azinë Jugore.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit