ORGANIZATA BOTËRORE E SHËNDETËSISË DHE FONDI I KOMBEVE TË BASHKUARA PËR FËMIJË (UNICEF): NJË NË KATËR VETA NUK KA UJË TË PIJSHËM TË SIGURT.

Gjenevë, Konfedrata e Zvicrës | “Pavarësisht përparimit të bërë që nga viti 2015, 1 në 4 persona - ose 2.1 miliardë njerëz në mbarë botën - ende nuk kanë qasje në ujë të pijshëm të menaxhuar në mënyrë të sigurt, përfshirë 106 milionë që pinë direkt nga burime sipërfaqësore të patrajtuara.

3.4 miliardë njerëz ende nuk kanë qasje në kanalizime bazë të menaxhuara në mënyrë të sigurt (tualete), përfshirë 354 milionë që praktikojnë jashtëqitjen në ambiente të hapura.

1.7 miliardë njerëz ende nuk kanë furnizim me ujë (objekte për larjen e duarve) në shtëpitë e tyre, përfshirë 611 milionë që nuk kanë qasje në asnjë objekt”.

Këto janë disa nga gjetjet e raportit të ri me titull “Progresi në Qasjen në Ujë të Sigurt dhe Kanalizime në Familje 2000-2024: Fokus i Veçantë mbi Pabarazitë”, i botuar nga Organizata Botërore e Shëndetësisë (OBSh) dhe Fondi i Kombeve të Bashkuara për Fëmijë (UNICEF) gjatë Javës Botërore të Ujit 2025 (24–28 Gusht).

Raporti zbulon se, pavarësisht disa përparimeve, pabarazitë mbeten të konsiderueshme.

Njerëzit që jetojnë në vende me të ardhura të ulëta, kontekste të brishta, komunitete rurale, fëmijët dhe pakicat etnike dhe indigjene janë ata që vuajnë nga pabarazitë më të mëdha.

Pavarësisht progresit të bërë në dekadën e fundit, miliarda njerëz në mbarë botën ende nuk kanë qasje në shërbimet thelbësore të ujit dhe kanalizimeve, duke i ekspozuar ata ndaj rrezikut të sëmundjeve dhe rritjes së përjashtimit shoqëror (social).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit