QEVERIA E MBRETËRISË SË SPANJËS MIRATOI NJË PROJEKT-LIGJ; SYNOHET DEKLASIFIKIMI I ÇDO INFORMACIONI MBI 45-VJEÇAR; SYNOHET TË HIDHET DRITË MBI DIKTATURËN E FRANKOS.

Madrid, Mbretëria e Spanjës | Qeveria spanjolle miratoi sot një projektligj mbi informacionin e klasifikuar, i hartuar për të hequr velin mbi sekretet e regjimit dhe diktaturës së Frankos; dhe për të revolucionarizuar aksesin në dokumente shtetërore konfidenciale ose të klasifikuara.

Legjislacioni, i cili, zëvendëson Ligjin e vjetër të Sekreteve Zyrtare të vitit 1968, që daton që nga diktatura e Frankos, prezanton për herë të parë deklasifikimin automatik të informacionit pas një periudhe prej 45 vjetësh ose më shumë dhe të gjithë informacionit para vitit 1981, duke përfshirë informacionin që lidhet me regjimin e Frankos dhe periudhën e tranzicionit nga vdekja e Frankos (20 nëntor 1975) në demokraci në vitin 1982, me qeverinë e parë të z. Felipe González.

Vetëm në raste të jashtëzakonshme dhe të justifikuara, nëse ekziston një kërcënim i vazhdueshëm për sigurinë kombëtare, një dokument mund të mbetet i klasifikuar, duke iu nënshtruar shqyrtimit vjetor.

Duke prezantuar iniciativën sot në fund të mbledhjes së sotme të Këshillit të Ministrave, z. Feliks (Félix) Bolanos, Ministër i Presidencës, Drejtësisë, theksoi se ky legjislacion kapërcen një boshllëk parakushtetues, duke e sjellë Spanjën në përputhje me demokracitë e pjekura dhe duke garantuar të drejtën e qytetarëve për të ditur.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit