KILI | MINISTRIA E FINANCAVE: 9.2 MILIARDË $ DEFICIT.

Santiago, Kili | Qeveria kiliane ka identifikuar mangësi fiskale prej mbi 9.2 miliardë dollarësh pas një auditimi të brendshëm të madh të financave publike për periudhën 2022-2026, gjatë presidencës së ish-Presidentit Gabriel Boriç (Boric).

Ministria e Financave raportoi një gabim në parashikimet e borxhit deri në vitin 2030, që arrin në afërsisht 10 miliardë $, gjë që do të ndikonte në kuadrin fiskal afatmesëm.

“Sipas autoriteteve, auditimet zbuluan gabime, mospërputhje dhe parregullsi të mundshme, si dhe dobësi në sistemet e kontrollit.

Analiza përfshiu mbi 913 milionë pika të dhënash dhe më shumë se 500 entitete publike, duke çuar në hapjen e hetimeve ndaj katër agjencive shtetërore, përfshirë Ministrinë e Grave dhe Ministrinë e Transportit”, raportoi “Radio BioBio”.

Ministria e Financave sqaroi se gabimi kishte të bënte me parashikimet e deficitit dhe borxhit të përfshira në një raport të mëparshëm, të cilat nuk ishin në përputhje me zhvillimet e pritura.

Një hetim i brendshëm administrativ është nisur për të përcaktuar çdo përgjegjësi.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit