MË SHUMË NJERËZ TË PASTREHË NË LONDËR SE KURRË MË PARË.

Londër, Britani e Madhe | Sipas shifrave të publikuara nga Homeless Link, numri i të pastrehëve në Londër ka arritur një nivel të lartë historik.

Midis marsit 2023 dhe marsit 2024, rreth 12000 njerëz u regjistruan në bazën e të dhënave të menaxhuar nga shoqata Homeless Link.

“Ky numër është rritur me 19% krahasuar me një vit më parë dhe me 58% në krahasim me dhjetë vjet më parë, ndërkohë që spikat si numri më i lartë i regjistruar ndonjëherë në kryeqytetin britanik”, thekson Homeless Link në raportin e tij vjetor.

“Rritja alarmante e numrit të njerëzve që flenë keq në Londër tregon se qeveria e ardhshme duhet të ndërmarrë veprime vendimtare”, tha në një deklaratë z. Rik (Rick) Henderson, kryetar i Homeless Link.

Në veçanti, ai bën thirrje për ndërtimin e shtëpive të lira dhe mbështetjen financiare të organizatave dhe institucioneve që u drejtohen të pastrehëve për t'i ndihmuar ata të përballen me shkaqet e problemeve që i çuan në rrugë.

Çështja e strehimit dhe në veçanti aksesi në strehim për të rinjtë me të ardhura të ulëta është një nga çështjet kryesore të fushatës zgjedhore përpara zgjedhjeve të përgjithshme të 4 korrikut në Mbretërinë e Bashkuar.

Mungesa kronike e banesave u ndërlikua nga efektet e inflacionit të lartë në normat e interesit të hipotekave, të cilat çuan në rritje të lartë të kostove të huamarrjes dhe qirave.

Sipas shifrave, një e pesta (17%) e njerëzve që mbetën të pastrehë vitin e kaluar kishin kaluar më parë në një qendër strehimi për azilkërkuesit.

Për muaj të tërë, grupet e ndihmës së azilkërkuesve kanë ngritur shqetësime për vendimin e qeverisë konservatore për të reduktuar kohën që u jepet njerëzve që kanë marrë azil për të gjetur strehim.

Shtetasit britanikë përbëjnë 45% të të pastrehëve të regjistruar, ndërsa 25% vijnë nga vende të tjera evropiane.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit