KRYEMINISTRJA ITALIANE XHORXHA (GIORGIA) MELONI: NE NUK MARRIM PJESË NË FORMATE PËR DËRGIMIN E TRUPAVE NË UKRAINË.

Tiranë, Shqipëri | “Italia ka deklaruar prej kohësh se nuk është e disponueshme të dërgojë trupa në Ukrainë dhe nuk do të kishte kuptim të merrte pjesë në formate që kanë objektiva për të cilat ne nuk kemi deklaruar disponueshmërinë tonë. Mendoj se është çështje qëndrueshmërie dhe qartësie”.

Kështu tha kryeministrja italiane Xhorxha (Giorgia) Meloni në një konferencë për shtyp në Tiranë, duke komentuar takimin e vullnetarëve që u zhvillua në kuadër të samitit të Komunitetit Politik Evropian, në të cilin Italia nuk mori pjesë.

“Atyre që ankohen, për shembull opozitës, u kërkoj të njëjtën qartësi dhe të njëjtën koherencë; na kërkohet të marrim pjesë në këto formate sepse duhet të dërgojmë trupa në Ukrainë ose sepse duhet të bëjmë një foto dhe pastaj të themi jo”, tha kryeministrja Meloni.

“Duhet të jesh serioz dhe unë jam një person serioz. Pas kësaj, Italia, e cila, mbështet Ukrainën, vazhdon të marrë pjesë në të gjitha formatet e tjera, të gjitha tryezat e tjera, të gjitha nivelet e tjera, të gjitha iniciativat e tjera”, tha ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit