ISH-AVOKATJA USHTARAKE IZRAELITE JIFAT (YIFAT) TOMER-JERUSHALMI (YEROUSHALMI) U ARRESTUA NË LIDHJE ME NJË HETIM PENAL PARAPARAK MBI RRJEDHJEN E NJË VIDEOJE QË PASQYRONTE AKTE DHUNE.

Jeruzalem, Izrael | “Ish-avokatja ushtarake izraelite Jifat (Yifat) Tomer-Jerushalmi (Yeroushalmi) është arrestuar në lidhje me një hetim mbi rrjedhjen e një videoje që tregon ushtarë izraelitë duke abuzuar me të burgosurit palestinezë në një burg të sigurisë maksimale në vitin 2024”.

Kështu deklaroi Ministri Izraelit i Sigurisë Kombëtare.

Pasi njoftoi dorëheqjen e saj të premten për shkak të këtij incidenti, ajo u zhduk për pak kohë dje, duke shkaktuar spekulime në media për një tentativë të mundshme vetëvrasjeje.

Në një mesazh në Telegram, Ministri i Sigurisë Kombëtare Itamar Ben-Gvir njoftoi se është rënë dakord që, në dritën e ngjarjeve të natës së kaluar, Shërbimi i Burgjeve do të veprojë me vigjilencë të shtuar për të siguruar sigurinë e të paraburgosurit në qendrën e paraburgimit ku ajo mbahej.

Të premten, ajo paraqiti një letër dorëheqjeje, duke pranuar se miratoi rrjedhjen e videos së dhunës kundër një të burgosuri palestinez në qendrën e paraburgimit izraelit në Sde Teiman.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit