GJERMANI: GJYKATA FEDERALE E DREJTËSISË HODHI POSHTË KËRKESË-PADINË QË KËRKONTE QË SANDALET BIRKENSTOCK TË KONSIDEROHESHIN VEPRA ARTI.

Berlin, Republika Federale e Gjermanisë | Sandalet Birkenstock mund të konsiderohen klasike të dizajnit, por ato nuk janë vepra arti.

Kështu vendosi Gjykata Federale e Drejtësisë, e cila, refuzoi ankesën e kompanisë gjermane Birkenstock në të cilën kërkonte që sandalja të mbrohej nga e drejta e autorit si vepër arti për të parandaluar imitimet.

Gjigandi i këpucëve iu drejtua gjykatës pasi u kërkoi tre konkurrentëve të ndalonin shitjen e sandaleve që ishin shumë të ngjashme me modelet e tij.

Kompania kishte ngritur padi kundër Tchibo, një kompani daneze e modës dhe një tjetër shitës me pakicë këpucësh në internet.

Z. Karl Birkenstok (Birkenstock), kur dizajnonte sandalet e tij, kishte parasysh aspektet shëndetësore dhe shqetësohej më pak për aspektin estetik.

Megjithatë, një dizajn i tillë artistik është një parakusht i domosdoshëm për t'u pranuar si vepër arti.

“Liria krijuese kufizohet nga qëllimi i sandaleve, ndaj dizajni nuk mund të mbrohet nga e drejta e autorit”, thuhet në arsyetimin që bëri që Gjykata të refuzojë ankesën.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit