ÇFARË SHKOLLASH KISHIN MBARUAR TRE MAGJISTARËT QË PANË YLLIN E BETLEHEMIT?

Jeruzalem, Izrael | Herodi, nga frika e një kërcënimi ndaj autoritetit të tij, u acarua dhe thirri skribët dhe kryepriftërinjtë, të cilët, i zbuluan se Krishti do të lindte në Betlehem, sipas Shkrimeve të Shenjta.

Herodi u kërkoi magjistarëve që ta gjenin fëmijën dhe ta informonin atë.

Dijetarët, të udhëhequr nga ylli, gjetën Jezusin me nënën e tij, Marinë, e adhuruan me nderim dhe i ofruan dhurata: ar, temjan dhe mirrë.

Por të informuar nga Perëndia që të mos ktheheshin te Herodi, ata u nisën për në atdheun e tyre në një rrugë tjetër.

Jozefit iu shfaq një engjëll, duke e paralajmëruar të ikte me fëmijën dhe Marinë në Egjipt, për të shmangur zemërimin e Herodit, i cili, planifikoi të vraste Jezusin.

Kur magjistarët nuk u kthyen, Herodi urdhëroi që të vriteshin të gjithë fëmijët meshkuj në Betlehem nën moshën dy vjeçare, duke përmbushur profecinë e Jeremisë.

Pas vdekjes së Herodit, një engjëll e informoi Jozefin të kthehej në Palestinë.

Por nga frika e mbretit të ri, Arkelaut, Jozefi u vendos me familjen e tij në Nazaret të Galilesë, duke përmbushur profecinë se Jezusi do të quhej Nazareas. (Burimi: Ungjilli i Mateut, kapitulli 2.1–2.23).

Kur shkrimet e shenjta u referohen magjistarëve, ata flasin për njerëz të mençur, të cilët zotëronin njohuri të filozofisë, matematikës dhe astronomisë.

Dhe pse kjo? Sepse këta njerëz të mençur mund ta dallonin yllin (sepse ne pamë yllin e tij në lindje dhe erdhëm për ta adhuruar, Mat. 2,2).

Ndaj magjistarët duket se janë formuar në ndonjë shkollë filozofike të asaj kohe.

Shkollat ​​që do të përmenden kanë karakteristika dhe qasje të ndryshme, pasi ato përfaqësojnë tradita të ndryshme filozofike, fetare dhe kulturore.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit