PËRFAQËSUESJA E LARTË E BASHKIMIT EVROPIAN KAJA KALLAS: PUTINI TALLET ME PËRPJEKJET PËR PAQE; AI E KUPTON VETËM SANKSIONET QË LIDHEN ME ENERGJINË DHE ME FINANCAT.

Kopenhagen, Mbretëria e Danimarkë | “Sulmet e fundit ruse ndaj Ukrainës tregojnë se Vladimir Putin po tall të gjitha përpjekjet për paqe dhe se Rusia e kupton vetëm presionin”, tha Përfaqësuesja e Lartë e BE-së, Kaja Kallas, ndërsa mbërriti në Këshillin Joformal të Mbrojtjes në Kopenhagen.

“Po punojmë për paketën e 19-të të masave. Ka shumë mundësi në tryezë, por më efektive do të ishte një goditje ndaj energjisë, një bllokim i aksesit në kapital dhe sanksione dytësore”, shpjegoi ajo.

“Diskutimet janë duke vazhduar, por të gjithë e kuptojnë se e vetmja gjë që funksionon është presioni.

Sot do të diskutojmë ndryshimet në mandatet e misioneve evropiane për Ukrainën, si trajnimin civil ashtu edhe atë ushtarak”, shtoi znj. Kallas.

“Në këtë kontekst, mund të diskutojmë se sa oreks ka për trajnimin e ushtarëve ukrainas në pjesën perëndimore të vendit përpara se të arrihet një armëpushim.

Debati mbi garancitë e sigurisë është për ‘ditën pas’ por, nëse shikoni se çfarë po bën Putini, nuk është afër”, shtoi ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit