GAZETA “WP”: ADMINISTRATA TRAMP (TRUMP) DHE PARTNERËT NDËRKOMBËTARË PO DISKUTOJNË PROPOZIMET PËR TË NDËRTUAR NJË “RIVIERË TË LINDJES SË MESME” MBI RRËNOJAT E GAZËS.

Uashington, Amerikë | Administrata Tramp (Trump) dhe partnerët ndërkombëtarë po diskutojnë propozimet për të ndërtuar një “Rivierë të Lindjes së Mesme” mbi rrënojat e Gazës.

Njëra prej tyre do të përfshinte kontrollin dhe pagesat e ShBA-ës për palestinezët që do të largoheshin vullnetarisht.

Kjo u zbulua nga gazeta Shtypi i Uashingtonit (Washington Post), e cila, raporton se një plan i pasluftës për Rripin e Gazës që qarkullon brenda administratës Tramp (Trump) do ta transformonte atë në një kujdestari të administruar nga ShBA-ës për të paktën 10 vjet, ndërsa ajo do të transformohej në një vendpushim turistik luksoz dhe një qendër prodhimi dhe teknologjie me teknologji të lartë.

Çfarë përfshin plani i Besimit të Madh?

Llogaritjet e planit parashikojnë një kthim pothuajse katërfish të një investimi prej 100 miliardë dollarësh pas 10 vitesh, me rrjedha të vazhdueshme të të ardhurave të vetëgjeneruara.

Plani 38-faqësh i shqyrtuar nga gazeta “WP” parashikon të paktën një zhvendosje të përkohshme të më shumë se 2 milionë banorëve të Gazës, përmes atyre që quhen largime vullnetare në një vend tjetër ose në zona të caktuara dhe të mbrojtura brenda enklavës gjatë rindërtimit.

Fondi do t'u ofronte pronarëve të tokës një shenjë dixhitale në këmbim të së drejtës për të rindërtuar pronën e tyre, e cila, mund të përdoret për të financuar një jetë të re diku tjetër ose potencialisht të shpengohet për një apartament në një nga gjashtë deri në tetë qytetet inteligjente të mundësuara nga inteligjenca artificiale që do të ndërtohen në Gazë.

Çdo palestinez që zgjedh të largohet do të marrë një pagesë prej 5000 dollarësh në para të gatshme dhe subvencione për të mbuluar qiranë e katër viteve diku tjetër, si dhe ushqim për një vit.

Plani vlerëson se çdo largim individual nga Gaza do t'i kursente fondacionit 23000 dollarë, krahasuar me koston e strehimit të përkohshëm dhe atë që fondi i quan shërbime mbështetëse të jetës në zona të sigurta për ata që mbeten.

I quajtur “Fondi i Rindërtimit, Përshpejtimit Ekonomik dhe Transformimit të Gazës”, ose “Fondi i Madh”, propozimi u zhvillua nga disa prej të njëjtëve izraelitë që themeluan dhe nisën “Fondacionin Humanitar të Gazës” (GHF), të mbështetur nga Shtetet e Bashkuara dhe Izraeli, i cili, tani shpërndan ushqim brenda enklavës.

Planifikimi financiar u krye nga një ekip që në atë kohë punonte për “Boston Consulting Group”.

Gazeta “WP” vëren se është e paqartë nëse propozimi i detajuar dhe gjithëpërfshirës i “Great Trust” është ajo që Presidenti Tramp (Trump) ka në mendje apo ajo që u diskutua në takimin e fundit në Shtëpinë e Bardhë, ku morën pjesë edhe Sekretari i Shtetit Marko (Marco) Rubio, i Dërguari Special Stiv Uitkof (Steve Witkoff), ish-kryeministri britanik Tani Blleër (Tony Blair) dhe dhëndri i presidentit Xherëd Kashnër (Jared Kushner).

Por elementët e tij kryesorë, sipas dy personave të njohur me planifikimin, ishin hartuar posaçërisht për të realizuar vizionin e presidentit për një “Rivierë të Lindjes së Mesme”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit