GAZETA “NYT”: IZRAELI MUNDI TË VRISTE UDHËHEQËSIT IRANIANË DUKE PËRDORUR TELEFONAT CELULARË TË TRUPROJAVE TË TYRE.

Uashington, Amerikë | “Është i gjithë faji i truprojave”.

Sipas një hetimi të gazetës “New York Times”, ata janë pa dashje përgjegjës për goditjen që Izraeli arriti t'u jepte udhëheqësve politikë, komandantëve ushtarakë dhe shkencëtarëve bërthamorë në qershor.

Iranianët kishin kohë që zbatonin dy kundërmasa për të shmangur spiunimin dhe vrasjen nga Izraeli.

1- Të mos mbanin kurrë telefona celularë.

2- Të rrisnin numrin e truprojave.

E para funksionoi, e dyta i dha Mossad-it një mundësi në një pjatë argjendi.

Inteligjenca izraelite zbuloi se, ndryshe nga burrat e fuqishëm që supozohej të mbronin, rojet dhe shoferët vazhdonin të mbanin telefonat e tyre celularë në çdo kohë dhe madje i përdornin ato për të postuar mesazhe në mediat sociale.

Kështu, inteligjenca izraelite zbuloi se ku fshiheshin dhe takoheshin udhëheqësit që ata mbronin, dhe në ditën e parë të luftës kundër regjimit të Ajatollahëve, ata i dhanë Forcës Mbrojtëse të Izraelit (IDF) informacionin e nevojshëm për të eliminuar një numër të madh të tyre me një të rënë.

Por forcat iraniane të sigurisë me sa duket ishin më të ngadalta se sa pritej për të kuptuar rrezikun që paraqisnin telefonat celularë të truprojave.

Kështu, më 16 qershor, ditën e katërt të sulmit, Izraeli gati sa nuk ia preu kokën të gjithë udhëheqjes së Teheranit, kur Këshilli i Lartë i Sigurisë Kombëtare u mblodh në një bunker të fshehur tridhjetë metra nën një mal.

Midis të mbijetuarve, mes rrënojave, ishte edhe Presidenti i Republikës Islamike, Masud (Masoud) Pezeshkian.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit