MINISTRI I JASHTËM ÇEK PETR MAÇINKA (MACINKA) - (DHE I PARTISË SHOFERËT PËR VETEN) - MBËRRITI SHKOI NË UKRAINË PËR VIZITË ZYRTARE.

Ministri i Jashtëm çek Petr Maçinka (Macinka) dhe homologu i tij ukrainas Andri Sibiha (Andriy Sybiha) ecin pranë Manastirit me Kupolë të Artë të Shën Mikelit në Kiev më 9 janar. (Burimi: Ministria e Punëve të Jashtme e Ukrainës).

Pragë, Çeki | “Kreu i ri i diplomacisë çeke, Petr Maçinka (Macinka) - (dhe i partisë Shoferët për Veten), mbërriti në kryeqytetin ukrainas këtë mëngjes”.

Kështu njoftoi Ministria e Punëve të Jashtme.

Në Kiev, ministri çek u takua me homologun e tij, Andri Sibiha (Andriy Sybiha).

Ministri Maçinka (Macinka) shoqërohet nga një delegacion që përfshin, ndër të tjerë, deputetin e partisë së tij Filip Turek, të cilin, presidenti çek kohët e fundit refuzoi ta emëronte Ministër të Mjedisit.

Gjatë udhëtimit, Ministri Maçinka (Macinka) u tha gazetarëve se në Kiev synon të diskutojë situatën e refugjatëve ukrainas në Republikën Çeke.

“Nuk besoj aspak se marrëdhëniet midis çekëve dhe ukrainasve që jetojnë në vendin tonë mund të përshkruhen si pa probleme. Pra, kjo është ndoshta detyra jonë e përbashkët, ose diçka për të cilën duhet të punojmë me palën ukrainase”, tha Ministri Maçinka (Macinka).

Tema të tjera do të përfshijnë mbrojtjen kundër dronëve dhe statusin e negociatave të paqes.

“Kemi vënë re se në javët dhe muajt e fundit, Ukraina është treguar e gatshme të bëjë disa lëshime, gjë që për fat të keq nuk duket të jetë rasti me Rusinë, e cila, na priti me disa sulme me raketa jo shumë larg nesh”, vuri në dukje ai.

Gjatë natës, Rusia kreu një sulm në shkallë të gjerë ndaj Ukrainës, veçanërisht në Kiev dhe në rajonin e Lvivit në pjesën perëndimore të vendit.

Për shkak të këtyre sulmeve, treni që transportonte delegacionin çek mbërriti me vonesë në Kiev.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit