MALLAKASTËR: U ARRESTUA ALBERT KODHELAJ BANUES NË TIRANË | AKUZOHET PËR ARMËMBAJTJE PA LEJE.
Mallakastër, Fier, Shqipëri | Strukturat vendore të Policisë së Shtetit arrestuan z. Albert Kodhelaj, me moshë 30 vjeç, banues në Tiranë.
Ai akuzohet se qarkullonte me automjet i armatosur me armë zjarri.
Njoftim | Shërbimet e Komisariatit të Policisë Mallakastër, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e siguruara nga inteligjenca policore se një shtetas lëvizte me armë në qytet, kanë ngritur pika kontrolli, dhe kanë organizuar punën për kapjen dhe arrestimin e tij.
Si rezultat, u arrestua në flagrancë shtetasi A. K., 30 vjeç, banues në Tiranë, thuhet në njoftimin e Policisë së Shtetit.
Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.
Nga z. Erton Duka.
© Copyright | Agjencia Telegrafike Vox
Ne të njohim me botën | www.007vox.com | Burimi yt i informacionit
