FALSIFIKUESIT E VOTAVE TË KREMLINIT I SHTYPIN LIBERALËT.

Nga z. Mikhail Komin.

Moskë, Federata Ruse | Me zgjedhjet parlamentare të Rusisë … , regjistrimi dhe heqja e nxituar pasuese e listës federale të partisë liberale Jabllaka (Yabloko) nga fletëvotimi i Dumës Shtetërore shquhet si ngjarja më e rëndësishme e fushatës - si për opozitën demokratike brenda ashtu edhe jashtë vendit, si dhe për vetë Kremlinin.

Goditja ndaj partisë së vetme që bën thirrje hapur për paqe filloi muaj para zgjedhjeve, duke synuar figurat e saj më të shquara, dhe ka vazhduar gjatë gjithë fushatës, e cila përfundon me votim nga 18-20 shtatori.

Një sondazh i kohëve të fundit nga një grup i vogël kërkimor i pavarur me qasje në votuesit brenda Rusisë sugjeron se Jabllaka (Yabloko) mund të kishte fituar 20-25% të votave nëse do të kishte mbetur në fletën e votimit, duke sfiduar Partinë Komuniste (KPRF) për vendin e dytë pas Rusisë së Bashkuar.

Autoritetet kanë pasur prej kohësh hapësirë ​​të mjaftueshme për të rregulluar rezultatin e partisë në pushtet duke transferuar votat midis numërimeve.

Në vitin 2024, manipulimi e fryu totalin e votave të Putinit me 22-25 milionë vota në zgjedhjet presidenciale të vitit 2024, duke shtuar afërsisht një të tretën e numërimit të tij aktual të votave.

Megjithatë, mbajtja e Jabllakës (Yabloko) bindshëm nën pragun prej 5% të Dumës do të kishte qenë jashtëzakonisht e vështirë, veçanërisht në veriperëndim, që përfshin qytetet e mëdha të Moskës dhe Shën Petersburgut, ku mbështetja për të është më e fortë, dhe votuesit kanë tendencë të jenë më kritikë ndaj partisë në pushtet.

Administrata presidenciale do të kishte nevojë për mashtrim të hapur në një shkallë shumë më të madhe, nga mbushja e kutive të votimit dhe rishkrimi i numërimit të votave, deri te incidente të tilla si një kryetar i komisionit zgjedhor territorial që u mohoi vëzhguesve qasje në qeset e votimit dhe taktika të tjera të fshehta.

Një mashtrim i tillë do ta kishte dëmtuar seriozisht imazhin që Kremlini ka kërkuar përmes zgjedhjeve të tij në kohë lufte, përfshirë votimin e ardhshëm për Dumën; një shoqëri e bashkuar pas presidentit dhe vendimit të tij për të vazhduar luftën në Ukrainë.

Pasi mori sondazhe konfidenciale një muaj para zgjedhjeve, mund të ketë gjykuar se heqja e dukshme e listës federale të Jabllakës (Yabloko) do t'i bënte më pak dëm atij imazhi sesa mashtrimi i nevojshëm për ta mbajtur partinë jashtë Dumës.

Në të njëjtën kohë, me figurat më të njohura të Jabllakës (Yabloko) të detyruara të largohen nëpërmjet përcaktimeve ligjore diskriminuese ose akuzave penale, vlerësimi i saj aktual prej 20-25% në sondazhe garanton në mënyrë efektive se asnjë nga më shumë se 100 kandidatët e saj të regjistruar në zonat njëanëtare të Dumës Shtetërore nuk do të fitojë një vend.

Por Jabllaka (Yabloko) dhe lëvizje të tjera pro-demokracisë që ende veprojnë brenda Rusisë në vitin e pestë të luftës përballen me një kërcënim më të madh sesa dështimi në zgjedhjet e ardhshme federale.

Kremlini po kërkon gjithashtu ta mposhtë partinë në çdo zgjedhje rajonale në të cilën po merr pjesë këtë vit, duke i hequr asaj të pesë vendet e mbetura në legjislaturat rajonale.

Jabllaka (Yabloko) paraqiti kandidatë për nëntë parlamente rajonale, por mbetet në fletën e votimit të përfaqësimit proporcional vetëm në një; Oblastin e Novgorodit.

Në muajt e fundit, Kremlini ka siguruar heqjen e listave të tjera, zakonisht duke përsëritur modelin federal; partitë që e prishin politikën e padisin Jabllakën (Yabloko) mbi baza të sajuara, duke përfshirë shkelje të dyshuara të pronësisë intelektuale, mes sulmeve ndaj qëndrimit të saj kundër luftës.

Të tre legjislaturat ku Jabllaka (Yabloko) mban vende kanë zgjedhje këtë vit; Oblasti i Pskov-it, Shën Petersburgu dhe Republika e Karelias.

Këto vende përjashtojnë listat e saj nga kërkesat për nënshkrim në të gjitha nivelet, përfshirë Dumën Shtetërore, duke anashkaluar barrierën kryesore që përdoret përgjithësisht për të përjashtuar kandidatët e opozitës demokratike; kontrolle krejtësisht të errëta të nënshkrimeve të kontrolluara nga agjencitë e sigurisë së Rusisë.

Megjithatë, lista e saj e vetme e mbetur ka të ngjarë të mos e kalojë pragun prej 5% në Novgorod Oblast, ku Jabllaka (Yabloko) nuk kishte asnjë vend në legjislaturën rajonale në largim dhe vetëm një në këshillin bashkiak të kryeqytetit.

Me Kremlinin që ka larguar kandidatët e tij më të fortë, afërsisht 70 kandidatët rajonalë të mbetur në zonat me një anëtar nuk ka gjasa të kenë sukses.

Humbja e përfaqësimit rajonal ka të ngjarë të shënojë fillimin e fundit për Jabllakën (Yabloko) si një forcë politike ligjore.

Kremlini më parë ua hoqi mandatet dy partive të tjera pro-demokracisë, Pushtetit Civil dhe PARNAS-it, dhe më pas ua revokoi regjistrimin pas pushtimit të plotë të Ukrainës.

Jabllaka (Yabloko) është partia e fundit pro-demokratike e regjistruar zyrtarisht; grupet e tjera nuk kanë arritur të marrin regjistrimin as para dhe as pas vitit 2022.

Pasojat e rënies së Jabllakës (Yabloko) do të shtriheshin në të gjithë opozitën demokratike të mbetur të Rusisë dhe shoqërinë civile, duke prekur qytetarët që ende kërkojnë mënyra për t'iu kundërvënë politikave të Putinit.

Së pari, përjashtimi nga nënshkrimi u jep grupeve të fragmentuara të opozitës një nxitje praktike për të bashkëpunuar përmes një partie të regjistruar.

Zgjedhja e Boris Nemtsov-it në legjislaturën rajonale të Jaroslavlit (Yaroslavl) në vitin 2013 i dha PARNAS-it qasje në zgjedhjet e Dumës Shtetërore pa mbledhur nënshkrime.

Ky përjashtim ndihmoi në tërheqjen e Partisë së Progresit të Aleksei Navalnit (Alexei Navalny) dhe grupeve të tjera të opozitës në një koalicion të formuar në vitin 2015, me qëllim që të garonte në zgjedhjet parlamentare të vitit të ardhshëm në një listë të përbashkët.

Jabllaka (Yabloko) tani ofron një rrugë të ngjashme.

Kandidatët e saj përfshijnë Ilia Kostiukovin (Ilya Kostyukov) në Belgorod, i cili drejtoi ekipin vendor të Shtabit të Kandidatëve gjatë kandidaturës së bllokuar presidenciale të Boris Nadezhdinit në vitin 2024.

Ky rrjet trajnon kandidatë të pavarur dhe ofron mbështetje për fushatën, duke i ndihmuar aktivistët ta shndërrojnë punën e tyre vendore në fushata elektorale.

Jabllaka (Yabloko) ka nominuar gjithashtu përfaqësues të Rassvet-it, partisë politike të paregjistruar dhe lëvizjes qytetare të ndërtuar rreth Jekaterina Duntsovës (Yekaterina Duntsova), një politikane vendore e cila gjithashtu u përjashtua nga zgjedhjet presidenciale të vitit 2024.

Rassvet-i po zhvillon degë rajonale dhe qyteti që bashkojnë aktivistë kundër luftës dhe iniciativa qytetare rajonale.

Humbja e përjashtimit të nënshkruar nga Jabllaka (Yabloko) do të dobësonte konsolidimin e këtyre grupeve dhe do ta bënte më të vështirë mbështetjen e bashkëpunimit përmes një rrjeti iniciativash qytetare.

Së dyti, humbja e deputetëve rajonalë do t’i privonte grupet e të drejtave të njeriut nga aleatët e aftë për të ngritur pyetje zyrtare, për të marrë informacion zyrtar dhe për të sfiduar rrëfimtaritë (narrativat) qeveritare nga foltoret zyrtare parlamentare.

Duke marrë përsipër raste të ngritura nga aktivistët vendas dhe duke i lidhur ata me ndihmë ligjore, këta deputetë i ndihmojnë grupet qytetare të mbrojnë qytetarët dhe të vazhdojnë punën e tyre nën represionin në rritje.

Boris Vishnevski (Vishnevsky) i Shën Petersburgut e ilustroi këtë rol, duke ndihmuar protestuesit e ndaluar të siguronin ndihmë ligjore dhe duke kërkuar që prokurorët të shpjegonin kriminalizimin e fjalimeve kundër luftës.

I shpallur agjent i huaj në mars të vitit 2024, ai u detyrua të linte vendin e tij.

Regjistrimi jetëshkurtër i Jabllakës (Yabloko) mblodhi për një kohë të shkurtër figurat e opozitës në mërgim dhe forcat demokratike brenda Rusisë rreth një fushate të përbashkët zgjedhore për të kërcënuar Kremlinin duke gërryer imazhin e tij të një shoqërie të plotë të konsoliduar rreth luftës.

Ky veprim kolektiv - që raporti ynë i fundit i … e identifikon si thelbësor për të mbajtur të mundur ndryshimet demokratike në të ardhmen - tani është edhe më i brishtë sesa ishte gjatë të gjitha viteve të presionit në rritje pas pushtimit në shkallë të plotë.

* Z. Mikhail Komin është politolog i shquar rus, studiues i pavarur dhe ekspert i politikës së brendshme ruse, burokracisë dhe dinamikës së elitës. Ai njihet gjerësisht për njohuritë e tij analitike mbi mekanizmat e politikëbërjes së Kremlinit dhe ndikimet shoqërore të luftës në Ukrainë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit