LONDËR | MBI 1000 TË ARRESTUAR NË DEMONSTRATËN E ORGANIZATËS TERRORISTE “VEPRIMI PËR PALESTINËN” (PALESTINE ACTION).

Londër, Mbretëria e Bashkuar | Arrestime në Londër gjatë demonstratës më të madhe të të gjitha kohërave kundër ndalimit të Aksionit për Palestinën.

Kështu shkruan gazeta britanike Rojtari (The Guardian).

Më shumë se 1000 veta u përballën me arrestime sot në një protestë të re në mbështetje të “Aksionit për Palestinën”, pothuajse dyfishi i numrit të njerëzve që morën pjesë në demonstratën e muajit të kaluar, ku u arrestuan 532 veta.

Qindra njerëz që mbanin pankarta me mbishkrimin “Unë kundërshtoj gjenocidin” dhe “Unë mbështes Aksionin për Palestinën” u mblodhën në Sheshin e Parlamentit në orën 13:00.

Grupi anti-abort “March for Life” ngriti një skenë me një sistem të lartë zanor, herë pas here duke dëgjuar muzikë, pak jashtë sheshit.

Afër fillimit të demonstratës, disa persona ranë në rrëmujë, ndërsa ndaj oficerëve u hodh ujë.

Në orën 13:00, Policia Metropolitane tha se oficerët filluan të bënin arrestime për shprehjen e mbështetjes për organizatën terroriste të ndaluar “Palestine Action” gjatë protestës së organizuar nga “Defend Our Juries”.

Oficerët u përballën me thirrjet “turp” ndërsa ngarkuan dy të moshuar në furgonë policie.

Protestuesve që u regjistruan për demonstratën e sotme iu kërkua të mos u zbulonin informacionin e tyre vetjak oficerëve, për t'i detyruar ata të kryenin një kontroll masiv në stacionet e policisë, gjë që organizatorët thonë se do ta bënte praktikisht të pamundur arrestimin e të gjithëve.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit