FORUMI I FAMILJEVE TË PENGJEVE: SOT DO TA BLLOKOJMË IZRAELIN; PRITEN 1 MILION NJERËZ NË “SHESHIN E PENGJEVE” NË TEL AVIV PËR TË KËRKUAR LIRIMIN E TYRE.

Jeruzalem, Izarel | “Sot, me rastin e Ditës Kombëtare të Grevës, populli izraelit do të dalë në rrugë i bashkuar në një apel të vetëm: në rrugë, në sheshe, në kryqëzime, në mediat sociale dhe kudo me moton: Sillini në shtëpi tani”!

Kjo u tha në një deklaratë nga Forumi i Familjeve të Pengjeve në prag të bllokadës totale të kërkuar për të bllokuar Izraelin.

“Në të gjithë vendin, do të mbahen qindra iniciativa të udhëhequra nga qytetarët që do ta vënë jetën e përditshme në pritje dhe do t'i bashkohen luftës më të drejtë, …; luftës për të sjellë në shtëpi 50 pengjet, të mbijetuarit për rehabilitim dhe të rënët për një varrim dinjitoz”, thuhet në apelin e Forumit, i cili, planifikon të presë gati një milion njerëz në “Sheshin e Pengjeve”, në Tel Aviv (sot).

Organizata pret mbërritjen e afërsisht 200 autobusëve, ndërsa aktivitete të tjera do të organizohen në qindra vende në të gjithë vendin.

Ndërkohë, si çdo të shtunë në mbrëmje, familjet u mblodhën përsëri, duke ftuar popullin izraelit të bashkohet me apelin e tyre: “Po i afrohemi pikës pa kthim; Të dashurit tanë nuk kanë më kohë; të dalin në rrugë”!

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit