VATIKAN | PAPA LEO XIV-të U TAKUA ME KARDINALËT | U KËRKOI TA NDIHMOJNË NË ROLIN E TIJ; VLERËSOI PAPA FRANÇESKUN ME STILIN E TIJ TË PËRKUSHTIMIT TË PLOTË NË SHËRBIM DHE THELBËSISË SË MATUR NË JETË.

Vatikan | “Ju, të dashur Kardinalë, jeni bashkëpunëtorët më të ngushtë të Papës dhe kjo është një ngushëllim i madh për mua duke pranuar një zgjedhë që është qartësisht shumë përtej fuqisë sime, ose asaj të kujtdo tjetër”, tha Papa Leo XIV-të në fillim të takimit të tij me kardinalët sot.

“Prania juaj më kujton se Zoti, i cili më besoi këtë mision, nuk më lë vetëm në bartjen e përgjegjësisë së tij”, shtoi ai.

“Para së gjithash, e di se mund të mbështetem gjithmonë në ndihmën e tij, në ndihmën e Zotit dhe, me hirin dhe providencën e tij, në afërsinë tuaj dhe të kaq shumë vëllezërve e motrave në të gjithë botën që besojnë në Zot, e duan Kishën dhe e mbështesin Vikarin e Krishtit me lutje dhe vepra të mira”, tha ai.

“Papa, duke filluar nga Shën Pjetri e deri tek unë, pasardhësi i tij i padenjë, është një shërbëtor i përulur i Zotit dhe i vëllezërve të tij, asgjë tjetër përveç kësaj.

Kjo është demonstruar mirë nga shembujt e shumë paraardhësve të mi, së fundmi ai i vetë Papa Françeskut, me stilin e tij të përkushtimit të plotë në shërbim dhe thelbësisë së matur në jetë, … dhe të besimit të qetë në momentin e kthimit në Shtëpinë e Atit”, tha ai.

“Le ta mbledhim këtë trashëgimi të çmuar dhe të rifillojmë udhëtimin tonë, të frymëzuar nga e njëjta shpresë që vjen nga besimi”, shtoi Papa Prevosti.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit