URA PREJ GURI E ZBULUAR NËN UJË DO TË RISHKRUAJË HISTORINË E ISHULLIT TË MAJORKËS | BESOHEJ SE NJERIU SHKOI NË ISHULL 2500 VJET PARA KRISHTIT: TASHMË U VËRTETUA SE KA SHKUAR 6000 VJET PARA TIJ.

Majorkë, Mbretëria e Spanjës | Një urë e lashtë prej guri e gjetur nën ujë në një vend turistik mund të rishkruajë historinë njerëzore.

Fillimisht mendohej se njerëzit mbërritën për herë të parë në Majorka në vitin 2500 para Krishtit, duke udhëtuar atje nga Gadishulli Iberik ose nga Franca jugore.

Por një urë nënujore e zbuluar së fundmi e ka shkatërruar atë teori, me ekspertët që tani argumentojnë se njerëzit mund të kishin vizituar për herë të parë zonën më shumë se 2000 vjet më parë.

Sipas një ekipi nga Universiteti i Floridës Jugore, ura është rreth 25 metra e gjatë dhe është zhytur brenda shpellës Genovesa, në ishullin spanjoll të Majorkës (Majorca).

Ajo u gjet brenda zonave të përmbytura, të paeksploruara më parë nga njerëzit, me formacione kalciti në mure duke u dhënë studiuesve një afat kohor të qartë se kur u përdor dhe u ndërtua ura.

Ata tani janë të sigurt se ura është ndërtuar rreth 6000 vjet më parë, duke e bërë atë 2000 vjet më të vjetër se sa mendohej më parë - gjë që gjithashtu thyen proceset e tjera të mendimit që njerëzit mund të kishin ardhur në zonë më shumë se 9000 vjet më parë.

Të udhëhequr nga profesori i gjeologjisë i USF, Bogdan Onac, së bashku me Universitetin e Harvardit, Universitetin e New Mexico dhe Universitetin e Ishujve Balearik, tani besohet se zbulimi mund të ndryshojë historinë e ishullit spanjoll.

“Prania e kësaj ure të fundosur dhe objekteve të tjera sugjeron një nivel të sofistikuar aktiviteti, duke nënkuptuar se kolonët e hershëm njohën burimet ujore të shpellës dhe infrastrukturën e ndërtuar në mënyrë strategjike për lundrimin e saj.

Ky hulumtim nxjerr në pah rëndësinë e bashkëpunimit ndërdisiplinor për të zbuluar të vërtetat historike dhe për të avancuar të kuptuarit tonë të historisë njerëzore”, tha ai.

Plani tani është që të vazhdojë eksplorimi i sistemeve të shpellave, disa prej të cilave kanë depozita të formuara miliona vjet më parë, në mënyrë që ato të mund të gjurmojnë nivelet e detit para-industrial dhe të shqyrtojnë ndikimin e ngrohjes moderne të serave në rritjen e nivelit të detit.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit