SANTA KLAUSI OSE SHËN NIKOLLA ISHTE PESHKOP NË TURQI: KJO ËSHTË FYTYRA E TIJ E ZBULUAR PAS 1700 VITESH.

Londër, Britani e Madhe | Fytyra e shenjtorit të dashur të të rinjve dhe të moshuarve u krijua nga reliket e tij!

Fytyra e vërtetë e njeriut që frymëzoi Santa Klausin është zbuluar për herë të parë në gati 1700 vjet nga shkencëtarët, duke rindërtuar fytyrën me ndihmën e teknologjisë dhe kafkës së tij.

Shën Nikolla Myrrh ishte një shenjtor i hershëm i krishterë, reputacioni i të cilit për dhënien e dhuratave frymëzoi figurën popullore holandeze të Sinterklaas, i cili më vonë u bë Santa Klaus në SHBA.

Kjo figurë mitike më vonë do të shkrihej me Atë-Krishtlindjen angleze – shpesh e lidhur me festa dhe lojëra, në vend të dhuratave – për të krijuar karakterin që fëmijët adhurojnë sot.

Megjithatë, asnjë përshkrim i njeriut pas legjendës nuk ka mbijetuar që nga jeta e tij, me shumicën e përshkrimeve të “Shën Nikut të Vjetër” që datojnë në shekuj pas vdekjes së tij në 343 pas Krishtit.

Tani fytyra e tij e gjallë është parë për herë të parë që nga Perandoria e Vonë Romake, pasi ekspertët rindërtuan mjekësisht tiparet e tij duke përdorur kafkën e tij.

Z. Moraes, autori kryesor i studimit të ri, tha se ai ishte një person i fortë dhe i sjellshëm.

Ai tha se ishte gjithashtu çuditërisht i pajtueshëm me fytyrën e gjerë të përshkruar në poemën e vitit 1823, me titull “A Visit From St Nicholas”, e njohur gjerësisht si: “Twas The Night Before Christmas”.

Ai tha: “Kafka ka një pamje shumë të fortë, duke krijuar një fytyrë të fortë, pasi dimensionet e saj në boshtin horizontal janë më të mëdha se mesatarja. Kjo rezultoi në një fytyrë të gjerë kuriozisht të pajtueshme me poemën e 1823”.

“Kjo veçori, e kombinuar me mjekrën e trashë, të kujton shumë figurën që kemi parasysh kur mendojmë për Babadimrin”, tha z. José Luís Lira, bashkautor i z. Moraes dhe një ekspert i jetës së shenjtorëve, përshkroi rëndësinë e Nikollës së vërtetë të Myra.

Ai tha: “Ai ishte një peshkop që jetoi në shekujt e parë të krishterimit dhe pati guximin të mbronte dhe të jetonte mësimet e Jezu Krishtit, madje duke rrezikuar jetën e tij. Ai sfidoi autoritetet, duke përfshirë perandorin Romak, për këtë zgjedhje”.

“Ai i ndihmoi ata në nevojë aq shpesh dhe në mënyrë efektive saqë kur njerëzit kërkuan një simbol të mirësisë për Krishtlindje, frymëzimi vinte prej tij. Kujtesa e tij është universale jo vetëm midis të krishterëve, por midis të gjithë popujve”, tha ai.

Z. Moraes shpjegoi se si shenjtori i famshëm u bë legjenda popullore e ditëve të sotme.

Ai tha: “Reformacioni protestant, i udhëhequr nga Martin Luteri, ishte një lëvizje që kontribuoi në zhdukjen e përkushtimit ndaj Shën Nikollës në shumë vende.

Një përjashtim i dukshëm ishte në Holandë, ku legjenda e Sinterklaas – që është një shtypje gjuhësore e emrit të shenjtorit – mbeti e fortë, madje duke prekur kolonitë e atij kombi.

Një nga këto koloni ishte qyteti i Amsterdamit të Ri (New Amsterdam), Nju Jorku i sotëm, ku legjenda u shkrua në emër të Santa Klausit.

Ai përshkruhej si një plak që ndëshkonte fëmijët që silleshin keq dhe i shpërblente me dhurata ata që silleshin mirë”, tha ai.

Ai vazhdoi: “Pamja e Santa Klausit siç e njohim ne sot bazohet në një ilustrim nga Thomas Nast për revistën Harper's Weekly në fillim të viteve 1863.

Kjo nga ana tjetër u frymëzua nga përshkrimi në poezinë e vitit 1823, me titull “Një vizitë nga Shën Nikolla”, e cila, i atribuhohet z. Clement Clarke Moore.

Poema krijoi shumë nocione popullore për figurën popullore që kemi sot, duke përfshirë faqet e tij rozë, të renë, sajën e tij, çantën e tij me lodra dhe fytyrën e sheshtë të përshkruar më parë.

Për të krijuar fytyrën, z. Moraes dhe ekipi i tij përdorën të dhëna të mbledhura në vitet 1950 nga z. Luixhi (Luigi) Martino, me leje nga Centro Studi Nicolaiani.

Ai tha: “Fillimisht e rindërtuam kafkën në 3D duke përdorur këto të dhëna. Më pas zbuluam profilin e fytyrës duke përdorur projeksione statistikore.

Këtë e plotësuam me teknikën e shtrembërimit anatomik, në të cilën, skanimi i kokës së një personi të gjallë rregullohet në mënyrë që kafka e dhuruesit virtual të përputhet me atë të shenjtorit.

Fytyra e fundit është një ndërthurje e gjithë këtij informacioni, duke kërkuar koherencë anatomike dhe statistikore”, tha ai.

Rezultati është dy grupe imazhesh: një objektiv në shkallë gri dhe një tjetër artistik – duke shtuar veçori të tilla si mjekra dhe veshje, të frymëzuara nga ikonografia e Shën Nikollës.

Megjithatë, reliket e shenjtorit zbulojnë më shumë sesa thjesht fytyrën e tij.

Z. Moraes tha: “Ai me sa duket vuante nga artriti i rëndë kronik në shpinë dhe legen dhe kafka e tij tregoi trashje të kockave që mund të shkaktonte dhimbje koke të shpeshta”.

Sipas këtij burimi, dieta e tij do të kishte qenë kryesisht me bazë bimore.

Në jetë, Shën Nikolla ishte peshkop i Mirës, në atë që sot është Turqia.

Atij i atribuohen vepra të ndryshme, duke përfshirë shpëtimin e tre vajzave nga prostitucioni duke paguar një prikë për secilën, duke i lejuar ato të martohen.

Ai thuhet gjithashtu se ka ringjallur tre fëmijë të vrarë nga një kasap, i cili, i kishte shtënë turshi në shëllirë dhe kishte planifikuar t'i shiste si mish derri.

I varrosur fillimisht në Mira (Myra), eshtrat e tij u zhvendosën më vonë në Bari të Italisë, ku qëndrojnë edhe sot.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit