RUSIA; REVOLTA E SHKRIMTARËVE TË LETRAVE.

Nga z. Mikhail Komin.

Uashington, Amerikë | Në ditët rreth 30 tetorit, Ditës së Përkujtimit të Viktimave të Represionit Politik në Rusi, janë planifikuar të paktën 160 tubime për të përkujtuar dhe mbështetur të burgosurit e ndërgjegjes.

Shumica do të bashkojnë njerëzit, shpesh pas leximit publik të emrave të viktimave të represionit sovjetik, për t'u shkruar të burgosurve politikë të sotëm, nga të cilët rreth 1800 janë njohur zyrtarisht, megjithëse numri i vërtetë është më afër 5000-ës.

Mbrëmjet do të përfshijnë Rusinë nga Kaliningradi në Vladivostok, me ngjarje jashtë vendit në vende aq të ndryshme si Still (Seattle) and Seoul.

Organizatorët përfaqësojnë një gamë të gjerë komunitetesh, duke përfshirë mbështetësit e udhëheqësit të vrarë të opozitës Aleksei Navalni (Alexei Navalny), degët rajonale të partisë liberale Jabllaka (Yabloko), një kolektiv feminist anarkist dhe një iniciativë arsimore bazë që u shkruan studentëve dhe shkencëtarëve të burgosur.

Solidariteti me të burgosurit politikë është bërë një kauzë e fuqishme e përbashkët për rusët në mërgim dhe ata që mbeten në vend, duke i tërhequr njerëzit në veprime kolektive.

Që nga pushtimi në shkallë të plotë i Ukrainës në vitin 2022, mbrëmjet e shkrimit të letrave janë bërë një nga format më të përhapura të aktivitetit të rregullt qytetar me pjesëmarrje fizike.

Brenda Rusisë në veçanti, ato ofrojnë një mënyrë për të takuar njerëz me të njëjtat mendime që kundërshtojnë luftën, ndërkohë që marrin pjesë në një akt relativisht të sigurt me kuptim politik.

“Cepa” (ent mediatik, red) identifikoi 4579 mbrëmje shkrimi letrash dhe ngjarje të kombinuara midis janarit 2022 dhe shtatorit të këtij viti, duke përfshirë 1394 në 48 rajone ruse - gati tre të katërtat e tyre jashtë Moskës dhe Shën Petersburgut.

Përfaqësuesit e shoqërisë civile në mërgim të intervistuar për raportin thanë se maratona e mbledhjes së fondeve për solidaritetin për të burgosurit politikë nxisin një ndjenjë lidhjeje dhe qëllimi të përbashkët dhe janë shembuj inkurajues të ndikimit të organizatave të tyre.

Fushata të tilla bashkojnë gjithashtu grupet e të drejtave të njeriut dhe mediat e pavarura për transmetime online.

Katër maratona të mbajtura midis viteve 2023 dhe 2026 mblodhën rreth 90 milionë rubla (1.1 milionë dollarë) në donacione të vogla, së bashku me 150-200 milionë rubla të tjera të mbledhura përmes platformave të tilla si Zaodno.

Kremlini e sheh çdo veprim të pavarur kolektiv si një kërcënim për autoritetin e tij dhe ka intensifikuar presionin mbi organizatorët.

Ai ka ndjekur dy rrugë; diskreditimin ideologjik të kauzës dhe çmontimin e grupeve dhe hapësirave që e mbështesin atë.

Fushata ideologjike hedh dyshime mbi viktimat e represionit politik, duke filluar që nga e kaluara sovjetike.

Ligji i rehabilitimit i Rusisë i tetorit 1991 dënoi terrorin shtetëror, pastroi emrat e viktimave dhe rivendosi të drejtat e tyre, duke i shfajësuar në mënyrë të qartë ata që u dënuan për agjitacion antisovjetik ose përhapje pretendimesh të rreme rreth BRSS-së.

Kjo u tërhoq nën Putinin dhe departamenti i rehabilitimit i Prokurorit të Përgjithshëm u mbyll në vitin 2005.

Ndërsa parimet thelbësore të ligjit mbijetuan, në qershor 2024 qeveria rishkruan politikën e saj të përkujtimit, duke hequr referencat për shtypjen masive.

Deri në shtator të vitit 2024, prokurorët kishin përmbysur më shumë se 4000 vendime rehabilitimi, të cilat raportohet se përfshinin edhe ato për fjalime antisovjetike.

Duke i portretizuar viktimat e së kaluarës si të denja për ndëshkim, Kremlini kërkoi të gërryente simpatinë për disidentët e sotëm, të cilët i ka quajtur “agjentë të huaj” dhe i ka ndjekur penalisht për tradhti ose “diskreditim” të ushtrisë.

Një ndërhyrje tjetër që e përforcoi këtë presion ideologjik ishte në Muzeun e Historisë së Gulagut në Moskë.

Në nëntor 2024, ai u mbyll për arsye sigurie nga zjarri; më pas drejtori i tij u shkarkua dhe në qershor ekspozita e muzeut u zëvendësua me një ekspozitë mbi mizoritë naziste, duke e ridrejtuar vëmendjen nga represioni shtetëror te krimet e një armiku të jashtëm.

Autoritetet kanë shënjestruar gjithashtu organizatat dhe vendet që mundësojnë tubimet.

Kjo filloi para pushtimit kur Memorial, i bashkëthemeluar nga disidentë të epokës sovjetike dhe qendror në përballjen e Rusisë me represionin, u shpall “agjent i huaj” në vitin 2016 dhe iu urdhërua të likuidonte zyrën e saj në dhjetor 2021.

Sulmet u intensifikuan në vitin 2025 dhe kanë vazhduar që atëherë. Bastisjet në tubimet e shkrimit të letrave në rajone të ndryshme janë pasuar nga një goditje ndaj vendeve ku ngjarjet kulturore bashkonin njerëz me mendje demokratike, përfshirë edhe në solidaritet me të burgosurit politikë.

Mbylljet kanë përfshirë Qendrën Revolt në Syktyvkar, Sheshin e Zi në Irkutsk, Hapësirën e Hapur në Moskë dhe Shën Petersburg dhe, së fundmi, grupet Prostranstvo Politika në gjashtë qytete.

Memorial-i u caktua si “organizatë ekstremiste” në prill, e ndjekur nga OVD-Info, një monitorues kryesor i represionit politik. Ky caktim mbart një dënim me 10 vjet burg për aktivistët dhe i ka detyruar grupet e solidaritetit të përshtaten dhe të frenojnë aktivitetin e tyre publik.

Qoftë për shkak të kësaj, apo për arsye të tjera, ka pasur një tkurrje të aktivitetit që nga viti 2024.

Organizatorët janë përshtatur. Midis vitit 2023 dhe këtij viti, përqindja e atyre që kërkonin regjistrim paraprak u rrit nga 12% në 39%, më pak njerëz përdorën fjalët të burgosur politikë në komunikime dhe adresat e vendeve të ngjarjeve u ndanë gjithnjë e më shumë privatisht për të zvogëluar rrezikun e bastisjeve policore.

Grupet e vogla bazë, të cilat mund t’i shpëtojnë më lehtë shqyrtimit zyrtar, tani përbëjnë 27% të ngjarjeve të regjistruara, nga 14% në vitin 2023, dhe ato po luajnë një rol më të madh në mbështetjen e tubimeve ndërsa qendrat e themeluara zhduken.

Përshtatjet sugjerojnë se ende ka kërkesë midis një sektori të popullsisë që kërkon mënyra për të shprehur kundërshtimin ndaj luftës dhe censurës.

Edhe nëse Kremlini i bën mbrëmjet e shkrimit të letrave dhe formate të ngjashme të papërshtatshme, zakoni i shprehjes së solidaritetit mund të mbështesë forma të tjera të veprimit kolektiv, të tilla si ndihma për ukrainasit e zhvendosur dhe mbështetja e arsimit të pavarur.

Lidhjet ruajnë besimin dhe përvojën e përbashkët që lejon shfaqjen e iniciativave të reja dhe parandalojnë që mospajtimi të jetë një përvojë e vetmuar.

Për ata që janë nën presion, të dinë se të tjerët ndajnë angazhimin e tyre mund të ndihmojë në luftimin e izolimit dhe fragmentimit që Kremlini po kërkon të imponojë.

Koalicioni i 30 Tetorit , i nisur nga Fondacioni Kombëtar për Demokraci dhe partnerët e tij për të mbështetur të burgosurit politikë në mbarë botën, synon ta bëjë të dukshëm këtë solidaritet më të gjerë, duke u kujtuar rusëve se kauza e tyre gjen jehonë në të gjithë globin.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit