PRESIDENTJA E PËRKOHSHME E VENEZUELËS DELSI (DELCY) RODRIGUEZ: NË VENEZUELË KA NJË QEVERI; AJO E PRESIDENTIT NIKOLAS MADURO.

Karakas, Venezuelë | “Presidentja e përkohshme e Venezuelës, Delsi (Delcy) Rodriguez, tha të shtunën se në vendin e saj populli qeveris dhe ekziston një qeveri, qeveria e Presidentit Nikolas (Nicolás) Maduro, i cili, u kap një javë më parë së bashku me gruan e tij, kongresmenen Silia (Cilia) Flores, nga forcat amerikane gjatë një serie sulmesh”.

Kështu raporton agjencia spanjolle e lajmeve “Efe”.

“Kush e qeveris Venezuelën? Pushteti i popullit dhe qeveria e tyre kushtetuese, kështu që nuk ka dyshim, nuk ka pasiguri, jo, jo, jo, jo, populli venezuelian qeveris këtu, e atje ka një qeveri, qeveria e Presidentit Nikolas (Nicolás) Maduro, dhe unë kam përgjegjësinë të udhëheq vendin ndërsa ai mbahet rob”, tha ajo.

Në një aktivitet të transmetuar nga rrjeti televiziv shtetëror venezuelian, ajo deklaroi se:

1- “Ata do të vazhdojnë ta dënojnë sulmin kriminal të së shtunës, më 3 janar, i cili, do të mbetet në histori si një njollë e madhe në marrëdhëniet midis vendit të saj dhe Shteteve të Bashkuara”.

“Nuk do të pushoj asnjë minutë derisa të kemi përsëri Maduron dhe Floresin, të ndaluar në Jorkun e Ri me akuza për trafik droge dhe korrupsion”, tha ajo.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit