PARTIA E PUNËTORËVE TË KURDISTANIT LËSHOI ARMËT NË KURDISTAN | ÇARMATIMI DHE SHPËRBËRJA PAS APELIT HISTORIK TË UDHËHEQËSIT TË BURGOSUR ABDULLA OÇALAN (ÖCALAN).

Stamboll, Turqi | Rreth tridhjetë militantë të Partisë së Punëtorëve të Kurdistanit (PKK) shkatërruan armët e tyre në një shpellë malore pranë Sulaimaniah, Kurdistani irakian, në një ceremoni që shënonte braktisjen e grupit nga lufta e armatosur dhe çarmatimi.

Grupi njoftoi gjithashtu shpërbërjen e tij pas vendimit të muajve të fundit nga udhëheqësi Abdullah Öcalan, i burgosur që nga viti 1999.

“Ne jemi këtu si shenjë e vullnetit të mirë dhe një hap i vendosur drejt suksesit konkret të procesit të paqes dhe një shoqërie demokratike”, tha PKK në një deklaratë.

Të pranishëm në Sulaimaniah ishin delegatë nga Partia Demokratike pro-kurde (DEM), partia e tretë më e madhe në Parlamentin turk, e cila, ka marrë pjesë aktive në procesin e vazhdueshëm midis Ankarasë dhe PKK-së, i cili, filloi në vjeshtën e vitit 2024.

Procesi i paqes për të zgjidhur çështjen kurde në Turqi u iniciua nga partia MHP, një forcë e ekstremit të djathtë e aleatuar me Presidentin Rexhep Tajip Erdogan në Parlament dhe tradicionalisht e distancuar nga kauza kurde.

Lideri i MHP-së i kishte kërkuar Oçalanit të shpërbënte PKK-në në këmbim të lëshimeve në regjimin e tij të burgut.

Në muajt në vijim, procesi i paqes u mbështet nga parti të tjera turke, përfshirë AKP-në e Presidentit Erdogan dhe forcat kryesore të opozitës, CHP-në dhe DEM-në.

Në fund të shkurtit, Oçalani urdhëroi përfundimin e luftës së armatosur, çarmatimin dhe shpërbërjen e PKK-së, ndërsa Presidenti Erdogan ka deklaruar vazhdimisht se momenti përfaqëson një mundësi me rëndësi historike për të arritur qëllimin e një Turqie pa terrorizëm (Terorsuz Turkiye).

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit