NJË PJESË E PARMAKUT TË HARKUAR TË TITANIKUT U SHEMB DHE PËRFUNDOI NË FUND TË ATLANTIKUT | ËSHTË NJË PJESË E PARMAKUT QË U BË I NJOHUR NË FILM.

Një pjesë e harkut të Titanikut lëshon rrugën dhe përfundon në fund të Atlantikut.

Londër, Britani e Madhe | Një pjesë e harkut të Titanikut, e cila u bë e famshme në skenën e famshme meXhekun (Jack) dhe Rozën (Rose) në filmin e Xheims Këmërounit (James Cameron), i është nënshtruar efekteve të prishjes së ngadaltë dhe tani është shtrirë në fund të Atlantikut.

“Humbja e një pjese të madhe të kangjellave u vu re në imazhet e një ekspedite të re në zhytjen me robotë nënujorë”, raportohet nga enti mediatik BBC, duke theksuar se sa shumë po ndryshon anija që kur u mbyt në prill 1912.

“Harku i Titanikut është thjesht një ikonë, është ajo që të vjen në mendje kur mendon për mbytjen e anijes”, tha Tomasina Ray, drejtore e koleksioneve në RMS Titanic, kompania që kreu ekspeditën.

“Ky është vetëm një kujtesë tjetër e përkeqësimit që ndodh çdo ditë”, shtoi ajo.

“Njerëzit gjithmonë pyesin sa kohë do të jetë Titaniku? Nuk e dimë, por po e kuptojmë në kohë reale”.

Ekipi i ekspertëve beson se pjesa e kangjellave, rreth 4.5 metra e gjatë, ra në shtratin e detit në dy vitet e fundit, siç tregojnë imazhet dhe skanimet dixhitale nga një ekspeditë e vitit 2022 e udhëhequr nga kompania e hartave në det të thellë Magellan dhe nga dokumentarët Atlantic Productions.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit