KORE E VERIUT | DIKTATORI KOMUNIST KIM JONG UN URDHËROI ZGJERIMIN E PRODHIMIT TË RAKETAVE DERI NË VITIN 2026.

Phenian, Kore e Veriut | “Diktatori komunist i Koresë së Veriut Kim Jong Un ka urdhëruar zgjerimin dhe modernizimin e prodhimit të raketave të vendit vitin e ardhshëm dhe ndërtimin e fabrikave shtesë për të përmbushur kërkesën në rritje”.

Kështu raportuan mediat shtetërore.

Në një turne në fabrikat e municioneve të shoqëruar nga zyrtarë të lartë, Agjencia Qendrore Koreane e Lajmeve (KCNA) tha se diktatori Kim urdhëroi që fabrikat të përmbushin nevojat e ardhshme për funksionimin e forcave të raketave dhe artilerisë së shtetit.

“Ai tha se do të ishte e nevojshme të zgjerohej më tej kapaciteti i përgjithshëm i prodhimit për të përballuar kërkesën nga forcat e armatosura të Phenianit dhe urdhëroi ndërtimin e fabrikave të reja të municioneve”, raportoi agjencia koreano-veriore e lajmeve “Kcna”.

“Sektori i prodhimit të raketave dhe predhave është me rëndësi thelbësore për forcimin e parandalimit të luftës”, tha diktatori komunist i Koresë së Veriut.

Pheniani ka rritur ndjeshëm testimet e raketave në vitet e fundit.

Analistët thonë se kjo synon përmirësimin e aftësive të goditjeve precize, duke sfiduar Shtetet e Bashkuara dhe Korenë e Jugut, dhe duke testuar armët para se t'i eksportojë ato potencialisht në Rusi.

Vizita e diktatorit Kim u raportua një ditë pasi media shtetërore raportoi se ai vizitoi një fabrikë nëndetësesh bërthamore, ku u zotua të kundërshtonte kërcënimin që përbën prodhimi i nëndetëseve të veta bërthamore nga Koreja e Jugut.

“Ai gjithashtu mësoi rreth kërkimit mbi armët e reja sekrete nënujore”, raportoi agjencia koreano-veriore e lajmeve “Kcna”.

Diktatori Kim gjithashtu thuhet se mbikëqyri lëshimin provë të një lloji të ri të raketës anti-ajrore me lartësi të madhe dhe me rreze të gjatë veprimi mbi Detin e Japonisë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit