IZRAEL | SOT NË ORËN 5 (ME ORËN SHQIPTARE) DO TË MBAHET VOTIM NË KABINETIN E SIGURISË PËR PUSHTIMIN TOTAL TË RRIPIT TË GAZËS.

Jeruzalem, Izrael | Kryeministri Benjamin Netanjahu ka mbledhur kabinetin e sigurisë për sot, i cili, do të votojë për pushtimin e plotë të Rripit të Gazës.

Opozita, rezervistët dhe familjet e pengjeve janë kundër.

Sipas autoriteteve palestineze, numri i të vdekurve nga lufta ka arritur në 61158 palestinezë të vrarë dhe 151442 të plagosur, përfshirë 1655 fëmijë.

Numri i të plagosurve midis atyre që kërkojnë ndihmë dhe ushqim është rritur në 11800.

Vdekjet nga uria kanë arritur në 193, përfshirë 96 fëmijë.

“Bashkimi Evropian ka qenë shumë e qartë për Gazën: vrasja e civilëve është e pajustifikueshme. Fjala gjenocid është në dorë të gjykatave ndërkombëtare për ta vlerësuar”, tha një zëdhënëse e Komisionit, duke komentuar komentet e znj. Teresa Ribera se ajo që po ndodh ngjan shumë me gjenocid.

“Dje i informuam 27 vendet anëtare mbi zbatimin e marrëveshjes së ndihmës nga Izraeli. Ka pasur përparim të pjesshëm, por situata mbetet shumë, shumë e vështirë”, shtoi zëdhënësja, duke shtuar se numri i kamionëve me ndihma është i pamjaftueshëm dhe se BE-ja nuk është autorizuar të hyjë në Gaza.

“Kultura e mospajtimit është një pjesë integrale e historisë së popullit të Izraelit dhe përfaqëson një element themelor të kulturës organizative të IDF-së.

Ne do të vazhdojmë të shprehim qëndrimin tonë pa frikë, objektivisht, në mënyrë të pavarur dhe profesionalisht.

Ne nuk shqetësohemi për teoritë, por për jetët njerëzore dhe mbrojtjen e shtetit.

Vetëm mirëqenia dhe siguria e tij janë para syve tanë”, tha Shefi i Ushtrisë Izraelite, Eial (Eyal) Zamir, në Forumin e Shtabit të Përgjithshëm.

Kjo është deklarata e parë zyrtare nga Shefi i Shtabit pas mosmarrëveshjeve me udhëheqjen politike mbi planin e pushtimit të Gazës.

PLANI I NETANYAHUT: OPERACION 4-5 MUJOR | 1 MILION TË ZHVENDOSUR.

Përpara mbledhjes së Kabinetit të Sigurisë të planifikuar për në orën 18:00 (me orën shqiptare 17:00) në Jerusalem, ku do të diskutohet pushtimi i mundshëm i Rripit të Gazës, detajet e planit Netanjahu po rrjedhin nga burime të kualifikuara.

Enti mediatik izraelit “Kanali 12” raporton se pushtimi i enklavës përfshin një operacion ushtarak gradual gjatë katër deri në pesë muajve.

“IDF-ja do të fillojë me kapjen e Qytetit të Gazës.

Banorët e saj, afërsisht një milion njerëz (gjysma e banorëve të Rripit të Gazës), do të evakuohen.

Ky operacion logjistik i nivelit të parë do të zgjasë me javë të tëra, gjatë të cilit, do të ndërtohet infrastrukturë e përkohshme për të zhvendosurit, me mbërritjen e sasive të mëdha të ndihmave”.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit