I PENDUARI I DREJTËSISË SË POSAÇME PENALE ERJON ALIBEJ THA NË GJYKATËN E POSAÇME SE PAT FINANCUAR VRASJEN E DORJAN SHKOZËS DHE SE KISHTE MARRË PJESË NË KATËR SULME ME ARMË ZJARRI | DEKLARATA E PLOTË.

Z. Erjon Alibej

Tiranë, Shqipëri | “Jam financues në vrasjen e Dorjan Shkozës.

Jam pjesëmarrës në vrasjen e Besian dhe Viktor Haxhisë.

Jam pjesëmarrës në vrasjen e Emiljano Ramazit dhe Regis Runajt.

Dhe në vrasjen e Bujar Çelës.

Kam qenë i dënuar më parë për trafik droge, në 2010-2011.

Për këtë çështje jam arrestuar dhe kam dal nga burgu në 2013.

Kemi qenë një grup i dënuar për këtë çështje, mes tyre dhe vëllai im i ndjerë.

Vrasjen e Dorjan Shkozës e kërkova sepse me çdo kusht doja Talo Çelën.

Nga komunikimi që unë kisha me Nuredninin, unë disa persona nuk i njihja që ishin pjesëtarë në vrasjen e familjarëve të mi.

E mësova nga Nuredin Dumani që Dorjan Shkoza ka marrë pjesë në ekzekutimin e familjarëve të mi.

Nuredin Dumani me dukej i besuar sepse më korrespondonin të dhënat.

Nuredini Dumani nuk më tregoi ndonjë dokument për Dorjan Shkozën, por thëniet e tij më bindën.

Lidheshin rrethanat, sepse Nuredini më tha kanë qenë dy makina.

Ndaj familjarëve të mi është qëlluar me dy automjete.

Për vrasjen e Anxhelo Avdisë e mora vesh përmes televizorit mos gaboj.

Nuk kisha dëgjuar më parë për Anxhelo Avdinë.

Nuredini më tha që ai ishte pjesë e grupit kundërshtuar, i Talo Çelës.

Enkro Çatin (Enchro Chat) e kam përdorur që kur është hedhur në treg.

Rreth vitit 2016-2017 e kam nisur përdorimin.

Për vrasjen e Dorian Shkozës, unë i dhashë Nuredin Dumanit 50 mijë euro.

Mbas ekzekutimit të vëllezërve Haxhia i dhashë pjesën tjetër.

I ofrova 100 mijë euro në total për vrasjen e Dorjan Shkozës.

I kam shpjeguar Nuredinit që mos e kalo urën, hap krahun djathtas dhe është një makinë ML e zezë.

Për vrasjen e Regis Runaj, është marrë Xhuljano Hoxha, nuk jam marrë unë me armët.

Për ngjarjet e tjera, armët thuajse i kam siguruar të gjitha te hoxha, për të cilën kam dhënë deklarime më parë.

Në vrasjen e Bujar Çelës, Nuredini ka pasur armë vetë, nuk më kujtohet nëse me ka kërkuar mua armë.

Ka pasur raste kur kam pas edhe armë gjendje.

Për vrasjen e vëllezërve Haxhia, një makinë e ofrova unë.

Me atë u bë ekzekutimi. Ma dha një djalë nga Shijaku, shok i hershëm i vëllait tim të ndjerë dhe ai ma ofroi.

I thërrasin Alban Qerosi, emër mbiemër nuk ia di. E kam takuar disa herë këtë person, shumë herët”, deklaroi i penduari i Drejtësisë së Posaçme Penale Erjon Alibej, në Gjykatën e Posaçme Kundër Korrupsionit dhe Krimit të Organizuar.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit