I BURGOSURI POLITIK ALI ABDULLAH FATH ALI AL-KHAJA VDIQ NË BURGUN E TERRORIT AL-RAZEEN TË EMIRATEVE TË BASHKUARA ARABE.

Abu Dhabi, Emiratet e Bashkuara Arabe | “Një i burgosur politik vdiq në Emiratet e Bashkuara Arabe (EBA) pas 13 vitesh ndalimi dhe abuzimi arbitrar”.

Kështu raportuan të mërkurën Human Rights Watch (HRW) dhe Qendra e Avokimit për të Paraburgosurit e Emirateve (EDAC).

Studiuesi i HRW-së në Emiratet e Bashkuara Arabe, Xhoi Shi (Joey Shea), deklaroi se:

1- “Vdekja e z. Al-Khaja vjen pas viteve të tëra burgosjeje arbitrare, torture dhe keqtrajtimi të përgjithshëm nga autoritetet e Emirateve të Bashkuara Arabe, megjithëse ai nuk duhej të kishte kaluar asnjë ditë në burg.

Autoritetet duhet të hetojnë menjëherë dhe në mënyrë transparente vdekjen e tij dhe t'u japin një shpjegim të qartë familjes së tij dhe bashkësisë ndërkombëtare”.

Z. Ali Abdullah Fath Ali al-Khaja vdiq në burgun al-Razeen të Emirateve të Bashkuara Arabe, i cili, është famëkeq për ndalimin e kundërshtarëve politikë dhe torturën.

Z. Al-Khaja u arrestua fillimisht në vitin 2012 së bashku me 93 disidentë të tjerë politikë dhe u dënua me 10 vjet burg pasi u gjykua në gjyqin masiv “UAE94”.

Ligji kontrovers kundër terrorizmit i Emirateve të Bashkuara Arabe, i cili, i nënshtron të gjithë të dënuarit për përqafimin e mendimeve ekstremiste ose terroriste me paraburgim të pacaktuar, lehtësoi goditjen.

Ky përkufizim përfshin këdo që shpreh kundërshtim ose kritika ndaj qeverisë së Emirateve të Bashkuara Arabe ose parimeve islame.

Të paraburgosurit sipas këtij ligji janë nënshtruar rrahjeve, izolimit të zgjatur, janë zhveshur nga shtetësitë e tyre dhe u është ndaluar të takojnë familjet e tyre.

Edhe pse e përfundoi dënimin e tij në vitin 2022, z. Al-Khaja nuk u lirua.

Organizatat e shoqërisë civile dhe OKB-ja, të cilat, kanë kërkuar lirimin e menjëhershëm të të ndaluarve, e kanë dënuar gjerësisht persekutimin e kundërshtarëve politikë nga Emiratet e Bashkuara Arabe.

Pavarësisht protestës ndërkombëtare, HRW raportoi në qershor se Emiratet e Bashkuara Arabe kryen një valë tjetër arrestimesh masive arbitrare sipas ligjit kundër terrorizmit, të cilat, rezultuan në 83 dënime, përfshirë 67 burgime të përjetshme.

Emiratet e Bashkuara Arabe pohojnë se të arrestuarit janë terroristë dhe se u është dhënë një proces i rregullt ligjor i duhur.

Pavarësisht akuzave për shkelje të të drejtave të njeriut, Emiratet e Bashkuara Arabe vazhdojnë të zhvillojnë lidhje më të ngushta me ShBA-ës, veçanërisht pas vizitës së Presidentit të ShBA-ës Danlld Tramp (Donald Trump) në rajon në vitin 2025.

Bazuar në nenet 57 dhe 71 të Rregullave Minimale Standarde të OKB-së për Trajtimin e të Burgosurve (Rregullat e Mandelës), në të cilat, Emiratet e Bashkuara Arabe janë palë, shtetet kanë detyrimin të hetojnë tërësisht dhe në mënyrë të paanshme çdo vdekje gjatë burgimit ose pretendime për trajtim mizor.

Rregullat gjithashtu kërkojnë që vendet t'u ofrojnë të burgosurve qasje në kujdes të përshtatshëm mjekësor.

Megjithatë, Emiratet e Bashkuara Arabe kanë pohuar se zbatojnë Rregullat e Mandelës, duke siguruar të drejtat e të burgosurve për kujdes mjekësor dhe për të komunikuar me familjet dhe avokatët e tyre.

Këto vdekje gjatë paraburgimit të disidentëve politikë në Emiratet e Bashkuara Arabe tregojnë një model ndërkombëtar, duke ndjekur vdekjet e mëparshme gjatë paraburgimit të udhëheqësit të opozitës ruse Aleksi Navalni (Alexei Navalny) dhe të të burgosurve politikë bjellorusë.

Kohët e fundit, Emiratet e Bashkuara Arabe janë përballur gjithashtu me një valë tjetër dënimi ndërkombëtar për shkak të përfshirjes së tyre në Luftën Civile Sudaneze, e cila, shkaktoi akuza për gjenocid për rolin e tyre në furnizimin me armë të Forcave të Mbështetjes së Shpejtë (RSF).

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit