FSHATI VËRBOC; GLLOGOC | VALDET RRUKIQI (RRUKIÇI) U ARRESTUA; DY VEPRA PENALE; NË FACEBOOK U BOTUA VIDEO KU SHTINTE ME ARMË ZJARRI.

Fshati Vërboc, Gllogoc, Republika e Kosovës | Strukturat vendore të Policisë arrestuan:

1- Z. Valdet Rrukiqi (Rrukiçi), me moshë 38 vjeç.

Ai konsiderohet doras në të shtënat me armë zjarri në një ceremoni festive familjare (e njohur si aheng).

Një video u postua në rrjetin social virtual “Facebook” ku ai shfaqej duke shtënë me armë zjarri.

Gjatë kontrollit u gjet dhe u sekuestrua në cilësinë e provës materiale me karakter kompromentues penal:

1- Një armë zjarri e gjatë (krahu) gjysmë automatike (me numër serial të dëmtuar).

2- Një gëzhojë.

3- Municion luftarak (pesë fishekë).

Ndaj tij filluan hetimet penale paraprake për shkelje penale të parashikuar si:

1- “Mbajtje në pronësi, kontroll apo posedim të paautorizuar të armëve”.

2- “Përdorim i armës apo mjetit të rrezikshëm”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit