RRUGA “IMER ALUSHANI”; FSHATI KOMORAN; GLLOGOC | U ARRESTUAN VËLLEZËRIT RINOR NISHORI DHE ARBNOR NISHORI; AKUZOHEN SE FYEN + DHUNUAN + GRABITËN NË RRUGË NJË QYTETAR.

Rruga “Imer Alushani”, Fshati Komoran, Gllogoc, Republika e Kosovës | Strukturat vendore të Policisë arrestuan:

1- Z. Rinor Nishori, me moshë 29 vjeç.

2- Z. Arbnor Nishori, me moshë 28 vjeç.

Ata akuzohen se:

1- Dhunuan fizikisht një qytetar.

2- I morën automjetin.

3- I morën aparatin telefonik.

4- E kanosën me armë të ftohtë (thikë) dhe me armë zjarri.

Ata janë nën hetim penal paraprak për shkelje penale të parashikuar si:

1- “Lëndim i lehtë trupor”.

2- “Marrje e pasurisë së luajtshme”.

Viktima e veprave penale deklaroi se: “Isha duke ngarë automjetin tip Caddy, e bardhë, në rrugën ‘Imer Alushani’, kur ata me automjetin e tyre Audi A4, me ngjyrë të bardhë më prerë rrugën.

Ata zbritën nga automjeti nën ndikimin e alkoolit, më fyen dhe më poshtëruan me fjalor vulgar dhe rrugaçëror dhe më goditën me grushte.

Njëri nga ata më pas mori një thikë nga automjeti i tij dhe u nis drejt meje duke më detyruar të largohesha.

Ata më pas më morën çelësat e automjetit, telefonin dhe çantën e stërvitjes (ushtrimeve fizike).

Pasi telefonova Policinë u këtheva në vendin e ngjarjes për të pritur patrullën policore, por dhunuesit u rikëthyen sërish; njëri prej tyre mbante armë zjarri në dorë”.

Shënim: Çdo subjekt i përmendur në përmbajtjen e këtij artikulli, mbështetur mbi parimin kombëtar procedurial penal dhe universal të prezumimit të pafajsisë, konsiderohet i pafajshëm penalisht, gjer në çastin kur ndaj tij, nga autoritetet kompetente shqiptare ose të huaja, do të jepet një vendim penal, i formës së prerë.

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit