EKO-VEPRIMTARËT LYEN ME BOJË NË VENDIN E STOUNHENXHIT (STONEHENGE) | 2 TË ARRESTUAR.

Londër, Britani e Madhe | Policia britanike arrestoi dy veprimtarë gjatë një bastisjeje të grupit mjedisor Just Stop Oil për spërkatje me bojë portokalli në disa monolite të Stounheinxhit (Stonehenge), vendi i famshëm prehistorik në Anglinë jugore, i mbrojtur nga UNESCO.

Para ndërhyrjes së oficerëve disa nga vizitorët, në veçanti një grua, ishin përpjekur të ndalonin demonstruesit.

U arrestuan:

1- Znjsh. Niamh Linç (Lynch), 21 vjeçe, studente në Universitetin e Oksfordit.

2- Z. Rajan Naidu, 73 vjeç, nga Birmingham.

Sipas videove të publikuara nga mediat, disa monolite janë ndotur nga substanca e spërkatur nga ekologët.

Kryeministri Rishi Sunak e dënoi veprimin si një akt të turpshëm vandalizmi ndaj një prej monumenteve më të vjetra dhe më të rëndësishme në Mbretërinë e Bashkuar dhe në botë.

Nesër festimet e solsticit të verës: Në një shënim, Just Stop Oil, organizata e përfshirë në shumë aksione demonstruese të këtij lloji kohët e fundit, siguroi se substanca portokalli e përdorur lahet dhe është e destinuar të zhduket plotësisht në shiun e parë.

Ajo rinovoi gjithashtu thirrjen e saj për t'i dhënë fund përdorimit të lëndëve djegëse fosile dhe shfrytëzimit të depozitave të naftës dhe gazit duke iu drejtuar qeverisë së re që do të dalë nga zgjedhjet e përgjithshme të planifikuara për në 4 korrik në Mbretërinë e Bashkuar.

Ndërsa një zëdhënës i entit English Heritage, organi publik përgjegjës për menaxhimin e trashëgimisë kulturore të Anglisë, tha si masë paraprake se fillimisht ishte e nevojshme të vlerësohej çdo dëmtim i strukturave të sitit me një histori mijëravjeçare.

Aksioni i grupit të ekologjisë u zhvillua në Stounheinxh (Stonehenge) ndërsa filluan përgatitjet për festimet e zakonshme të solsticit veror të nesërm, me tufa vizitorësh të gatshëm për të admiruar ritualet pagane piktoreske dhe format e misticizmit të epokës së re.

https://shorthand.com/the-craft/best-paywall-providers/index.html

Nga z. Erton Duka.

© Copyright | Agjencia Telegrafike Vox

Ne të njohim me botën | www.007vox.com | Burimi yt i informacionit